മനാമ: ബഹ്‌റൈനിലെ ഇന്ത്യൻ അംബാസഡർ വിനോദ് കുര്യൻ ജേക്കബ് ഷൂറ കൗൺസിൽ ചെയർമാൻ അലി ബിൻ സാലിഹ് അൽ സാലിഹുമായി കൂടിക്കാഴ്ച നടത്തി.ബഹ്‌റൈനും ഇന്ത്യയുമായുള്ള ചരിത്രപരമായ ബന്ധം ചൂണ്ടിക്കാട്ടിയ ശൂറ കൗൺസിൽ ചെയർമാൻ വിവിധ വികസന മേഖലകളിൽ ഇരു രാജ്യങ്ങളും തമ്മിലുള്ള പങ്കാളിത്തത്തെ അഭിനന്ദിക്കുകയും ചെയ്തു. ഇന്ത്യയുമായുള്ള പാർലമെന്ററി ബന്ധം ശക്തിപ്പെടുത്തുന്നതിനും ഉഭയകക്ഷി സന്ദർശനങ്ങൾ കൈമാറുന്നതിനുമുള്ള ബഹ്‌റൈന്റെ പ്രതിബദ്ധത അൽ സലേഹ് ഊന്നിപ്പറഞ്ഞു. ബഹ്‌റൈനിൽ നയതന്ത്ര ചുമതലകൾ ഏറ്റെടുത്തതിൽ അംബാസഡർ അഭിമാനം പ്രകടിപ്പിച്ചു. ഇരു രാജ്യങ്ങളും തമ്മിലുള്ള സഹകരണം വർധിപ്പിക്കാനുള്ള തന്റെ താൽപര്യം സ്ഥിരീകരിച്ചു.
