ഇന്ന് ബഹ്റൈൻ ജയിലിൽ നിന്നും പോകുന്നവരിൽ ഭൂരിഭാഗവും മലയാളികൾ

മനാമ: ബഹ്റൈനിൽ നിന്നും ജയിൽ മോചിതരായി കൊച്ചിയിലേക്ക് പോകുന്ന 127 പേരിൽ ഭൂരിഭാഗവും മലയാളികൾ ആണ്. ഇന്ത്യയിലെ 12 സംസ്ഥാനങ്ങളിൽ നിന്നുള്ളവരാണ് ഈ യാത്രയിൽ ഉള്ളത്. 127 പേരിൽ 56 പേര് മലയാളികളാണ്. ഇന്ന് ഉച്ചക്ക് 12 മണിക്ക്(ഇന്ത്യൻ സമയം 2 .30) കൊച്ചിയിലേക്ക് ഗൾഫ് വിമാനത്തിലാണ് ഇവർ പോകുന്നത്. പ്രധാനമന്ത്രി നരേന്ദ്രമോദിയുടെ ബഹ്‌റൈൻ സന്ദർശനത്തിന് ശേഷമുള്ള തടവുപുള്ളികൾക്കുള്ള പ്രഖ്യാപനത്തിന്റെ ഭാഗമായി ശിക്ഷയിളവ് ലഭിച്ചവരും ഇതിൽപ്പെടുന്നു.