മനാമ: ഇന്ത്യൻ കമ്മ്യൂണിറ്റി റിലീഫ് ഫണ്ട് (“ICRF”) തേർസ്റ്റ് ക്വഞ്ചേഴ്സ് 2023 ടീം മൂന്നാമത്തെ ആഴ്ചയിലെ വേനൽക്കാല ബോധവൽക്കരണ പരിപാടി ഇന്ന് (15 ജൂലൈ 2023) നടത്തി. ആരോഗ്യകരവും സുരക്ഷിതവുമായ വേനൽകാലത്തെ കുറിച്ചുള്ള അവബോധം സൃഷ്ടിക്കുക എന്നതാണ് ഈ പരിപാടിയുടെ അടിസ്ഥാന ലക്ഷ്യം.
ഈ പരമ്പരയിലെ മൂന്നാമത്തെ ആഴ്ചയിലെ പ്രോഗ്രാം തേർസ്റ്റ് ക്വഞ്ചേഴ്സ് ടീം ഇന്ന് ദിൽമുനിയയിലെ വർക്ക്‌സൈറ്റിൽ ഏകദേശം ഇരുനൂറ്റി അൻപതോളം തൊഴിലാളികൾക്ക് കുപ്പിവെള്ളവും പഴങ്ങളും, ലബാനും, ബിരിയാണിയും വിതരണം ചെയ്തു.
ഇന്ത്യൻ എംബസി സെക്കൻഡ് സെക്രട്ടറി രവിശങ്കർ ശുക്ല, ഐസിആർഎഫ് ചെയർമാൻ ഡോക്ടർ ബാബു രാമചന്ദ്രൻ, വൈസ് ചെയർമാൻ അഡ്വക്കേറ്റ് വി കെ തോമസ്, ജനറൽ സെക്രട്ടറി പങ്കജ് നല്ലൂർ, ട്രഷറർ മണി ലക്ഷ്മണമൂർത്തി, ജോയിന്റ് സെക്രട്ടറി നിഷ രംഗ, തേർസ്റ്റ് ക്വഞ്ചേഴ്സ് 2023 കോ-ഓർഡിനേറ്റർമാരായ മുരളി നോമുല, നൗഷാദ്, കൂടാതെ ഐസിആർഎഫ് അംഗങ്ങളായ ശിവകുമാർ, ക്ലിഫോർഡ് കൊറിയ, കെ ടി സലിം, രംഗരാജൻ കൂടാതെ ട്രെയിനികളും ഇന്നത്തെ പരിപാടിയിൽ പങ്കെടുത്തു.
ഇത് തുടർച്ചയായ എട്ടാം വർഷമാണ് ഐസിആർഎഫ് തേർസ്റ്റ് ക്വഞ്ചേഴ്സ് ടീം വെള്ളവും പഴങ്ങളും വിതരണം ചെയ്യുന്നത്. ബൊഹ്‌റ കമ്മ്യൂണിറ്റി, ഷിഫ അൽ ജസീറ ഹോസ്പിറ്റൽ, മലബാർ ഗോൾഡ് എന്നിവ ഈ വർഷം ഈ പദ്ധതിയിൽ ഐസിആർഎഫിനെ പിന്തുണയ്ക്കുന്നു. ഇന്ന് എല്ലാ തൊഴിലാളികൾക്കും ബിരിയാണി സ്പോൺസർ ചെയ്‌ത അനുപ് ജവേരിക്ക് ഐസിആർഎഫ് അംഗങ്ങൾ നന്ദി അറിയിച്ചു.
ഈ പ്രതിവാര പരിപാടി ഓഗസ്റ്റ് അവസാനം വരെ വിവിധ വർക്ക്സൈറ്റുകളിൽ തുടരാൻ ഉദ്ദേശിക്കുന്നതായി ഐസിആർഎഫ് തേർസ്റ്റ് -ക്വഞ്ചേഴ്സ് ടീം വ്യക്തമാക്കി.