മനാമ: ഇന്ത്യൻ കമ്മ്യൂണിറ്റി റിലീഫ് ഫണ്ട് (ICRF) തേസ്റ്റ് ഖ്വഞ്ചേഴ്‌സ് 2022 ടീം അതിന്റെ പതിനൊന്നാമത് വേനൽക്കാല ബോധവൽക്കരണ പരിപാടി സംഘടിപ്പിച്ചു. ആരോഗ്യകരവും സുരക്ഷിതവുമായ വേനൽക്കാലത്തെക്കുറിച്ചുള്ള അവബോധം സൃഷ്ടിക്കുക എന്നതാണ് ഈ പ്രോഗ്രാമിന്റെ അടിസ്ഥാന ലക്ഷ്യം.
200 ഓളം തൊഴിലാളികൾക്കായി ഹിഡിലെ ഒരു വർക്ക്‌സൈറ്റിലാണ് പരിപാടി നടന്നത്. കുപ്പിവെള്ളം, ലബാൻ, ഓറഞ്ച്, സമൂസ, ടോഫി എന്നിവ ഞങ്ങൾ വിതരണം ചെയ്തു. ഐസിആർഎഫ് ചെയർമാൻ ഡോ.ബാബു രാമചന്ദ്രൻ, ജനറൽ സെക്രട്ടറി പങ്കജ് നല്ലൂർ, ജോയിന്റ് ട്രഷറർ രാകേഷ് ശർമ, അംഗങ്ങളായ മുരളീകൃഷ്ണൻ, സിറാജ്, ശിവകുമാർ, ക്ലിഫോർഡ് കൊറിയ, പവിത്രൻ നീലേശ്വരം, രാജീവൻ, ഹരി എന്നിവരും ബോഹ്‌റ കമ്മ്യൂണിറ്റി അംഗം കുതുബ്, യൂസഫ്, ഇബ്രാഹിം, രമേഷ് (പ്രോജക്‌ട് മാനേജർ) പാണ്ടിവേൽ (ഹെൽത്ത് ആൻഡ് സേഫ്റ്റി ഓഫീസർ) എന്നിവർ ഇന്ന് വിതരണത്തിന് നേതൃത്വം നൽകി.
തുടർച്ചയായ ഏഴാം വർഷമാണ് ഐസിആർഎഫ് തേസ്റ്റ് ഖ്വഞ്ചേഴ്‌സ് വെള്ളവും പഴങ്ങളും വിതരണം ചെയ്യുന്നത്. മുൻ വർഷങ്ങളിലെ പോലെ തന്നെ ബഹ്‌റൈനിലെ ബൊഹ്‌റ കമ്മ്യൂണിറ്റിയും ഈ പരിപാടിയെ പിന്തുണയ്ക്കുന്നു.
ഐസിആർഎഫ് തേസ്റ്റ് ഖ്വഞ്ചേഴ്‌സ് ഈ വർഷത്തെ പ്രതിവാര ബോധവൽക്കരണ പരിപാടി സെപ്റ്റംബർ 17, ശനിയാഴ്ച അൽ ഷമേലിയിലെ വർക്ക്‌സൈറ്റിൽ 500 ഓളം തൊഴിലാളികൾക്ക് കുപ്പിവെള്ളവും പഴങ്ങളും വിതരണം ചെയ്യാൻ പദ്ധതിയിടുന്നു.
