മനാമ: ഇന്ത്യൻ കമ്മ്യൂണിറ്റി റിലീഫ് ഫണ്ട് (“ICRF”) തൊഴിലാളി ദിന സമ്മർ ഫെസ്റ്റ് 2022 ആഘോഷിച്ചു. ഇത് കുറഞ്ഞ വരുമാനമുള്ള തൊഴിലാളികൾക്ക് ആഘോഷങ്ങളുടെയും ആസ്വാദനത്തിന്റെയും അന്തരീക്ഷം സൃഷ്ടിക്കുന്നതിനുള്ള ഒരു പരിപാടിയാണ്. തൊഴിലാളികളുടെ മനോവീര്യം മെച്ചപ്പെടുത്തുകയും അവർക്കായി സമൂഹത്തിൽ ലഭ്യമായ പിന്തുണാ സംവിധാനങ്ങളെക്കുറിച്ച് അവബോധം സൃഷ്ടിക്കുകയും ചെയ്യുക എന്നതാണ് ഈ പരിപാടിയുടെ ലക്ഷ്യങ്ങളിലൊന്ന്. ഐ.സി.ആർ.എഫ് 2019 ൽ കുറച്ച് ആഘോഷങ്ങൾ സംഘടിപ്പിച്ചു, കോവിഡ് -19 കാരണം തൊഴിലാളി ദിന ഉത്സവ പരമ്പര തുടരാനായില്ല. കോവിഡ്-19 മഹാമാരിക്ക് ശേഷമുള്ള ആദ്യ പരിപാടിയാണിത്. സമ്മർ ഫെസ്റ്റ്, വിന്റർ ഫെസ്റ്റ്, ഓട്ടം ഫെസ്റ്റ്, സ്പ്രിംഗ് ഫെസ്റ്റ് എന്നിങ്ങനെ ഓരോ പാദത്തിലും ഐസിആർഎഫ് വർക്കേഴ്സ് ഡേ സംഘടിപ്പിക്കാൻ ഞങ്ങൾ പദ്ധതിയിടുന്നു.
ജൂൺ 17 വെള്ളിയാഴ്ച മനാമയിലെ ഇന്ത്യൻ ക്ലബ്ബിൽ നടന്ന വർണ്ണാഭമായ പരിപാടിയിൽ വിവിധ ലേബർ ക്യാമ്പുകളിൽ നിന്നായി 300 ഓളം തൊഴിലാളികൾ പങ്കെടുത്തു.
നിരവധി കായിക പരിപാടികൾ ആഘോഷത്തിന്റെ ഭാഗമായി നടത്തി. മത്സരങ്ങളിൽ 1, 2, 3 സ്ഥാനങ്ങൾ നേടിയവർക്ക് സമ്മാനങ്ങളും വിതരണം ചെയ്തു. സ്പോട്ട് ക്വിസ് നടത്തി വിജയിച്ചവർക്കും സമ്മാനങ്ങൾ വിതരണം ചെയ്തു . ജൂൺ മാസത്തിൽ ജന്മദിനം ആഘോഷിക്കുന്ന തൊഴിലാളികൾക്കായി ഇന്ത്യൻ എംബസി സെക്കന്റ് സെക്രട്ടറി രവിശങ്കർ ശുക്ലയുടെ സാന്നിധ്യത്തിൽ കേക്ക് മുറിക്കൽ ചടങ്ങ് നടത്തി. കൂടാതെ, പങ്കെടുത്ത എല്ലാവർക്കും അത്താഴ പാക്കറ്റും സമ്മാന ഹാമ്പറും നൽകി.
ചടങ്ങിൽ ഇന്ത്യൻ എംബസി സെക്കൻഡ് സെക്രട്ടറി രവിശങ്കർ ശുഖ്‌ല, ഐസിആർഎഫ് ചെയർമാൻ ഡോ ബാബു രാമചന്ദ്രൻ, വൈസ് ചെയർമാൻ അഡ്വ. വി കെ തോമസ്, ജനറൽ സെക്രട്ടറി – പങ്കജ് നല്ലൂർ, അഡ്വൈസർ / എക്‌സ് ഒഫീഷ്യോ – അരുൾദാസ് തോമസ്, ജോയിന്റ് സെക്രട്ടറി അനീഷ് ശ്രീധരൻ, ഇവന്റ് കൺവീനർ ക്ലിഫോർഡ് കൊറിയ, ജോയിന്റ് കൺവീനർമാരായ ചെമ്പൻ ജലാൽ, ജവാദ് പാഷ കൂടാതെ ഇന്ത്യൻ ക്ലബ് വൈസ് പ്രസിഡന്റ് സാനി പോൾ കോളെങ്ങാടൻ എന്നിവർ പങ്കെടുത്തു. രമൺ പ്രീത്, നാസർ മഞ്ചേരി, രാജീവൻ, സിറാജുദ്ദീൻ, കെ ടി സലിം, മുരളീകൃഷ്ണൻ, സുനിൽ കുമാർ, സുധീർ തിരുനിലത്ത്, ഹേമലത സിംഗ്, റീന, ദീപ്ഷിക, നിധി, ക്ലെയർ, ശിൽപി, ഹരി, മണിക്കുട്ടൻ, സെയ്ദ് ഹനീഫ, നൗഷാദ് എന്നിവരും പങ്കു ചേർന്നു.
സ്‌പോൺസർമാരായ എൽഎംആർഎയെയും കൂടാതെ ബിഎംഎംഐ, ബഹ്‌റൈൻ ഫിനാൻസിംഗ് കമ്പനി (ബിഎഫ്‌സി), ഷിഫ അൽ ജാസിറ ഹോസ്പിറ്റൽ, ദാർ അൽ ഷിഫ, പി ഹരിദാസ് ആൻഡ് സൺസ്, കൊക കോള, കേവൽറാം, സർവാൻ ഫൈബർഗ്ലാസ്, മുഹമ്മദ് ഫഖ്രോ, സിറാജുദ്ദീൻ, സന്തോഷ് പോൾ. എന്നിവരോട് ഐസിആർഎഫ് നന്ദി അറിയിച്ചു . പ്രഥമ ശുശ്രൂഷ നൽകാൻ ദാർ അൽ ഷിഫയിൽ നിന്നുള്ള പാരാ മെഡിക്കൽ സംഘം ഉണ്ടായിരുന്നു. അവർ തൊഴിലാളികളുടെ ബ്ലഡ് ഷുഗറും, ബ്ലഡ് പ്രെഷറും പരിശോധിച്ചു.
