മനാമ : ഐ.സി.എഫ് ഉമ്മുൽ ഹസ്സം സെൻട്രൽ കമ്മിറ്റി ഈദ് സംഗമം നടത്തി. പെരുന്നാൾ നിസ്കാരത്തിനു ശേഷം നടന്ന സംഗമത്തിൽ നിരവധിപേർ ഒത്തുകൂടി ഈദ് ആശംസകൾ അർപ്പിച്ചു. ഉമ്മുൽ ഹസ്സം സുന്നി സെന്ററിൽ നടന്ന പരിപാടിയിൽ ഇബ്രാഹിം നബി(സ)യുടെയും മകൻ ഇസ്മായിൽ നബി (സ) യുടെയും ത്യാഗത്തിന്റെയും സഹനത്തിന്റെയും അചഞ്ചലമായ വിശ്വാസത്തിന്റെയും സ്മരണ പുതുക്കി നസ്വീഫ് അൽ ഹസനി ഈദ് സന്ദേശം നൽകി.
സെൻട്രൽ പ്രസിഡന്റ് അബ്ദുൽറസാഖ് ഹാജി അദ്ധ്യക്ഷനായിരുന്ന പരിപാടിയിൽ, സെൻട്രൽ സെക്രട്ടറി അഷ്കർ താനൂർ ഈദ് ആശംസകൾ അർപ്പിച്ചു. മുസദ്ദിഖ് ഹിശാമി, സഫ്‌വാൻ സനദ് മാസ് എന്നിവർ ഈദ് ഇശൽ ആലപിച്ചു, പരിപാടിയിൽ മധുരപലഹാരം വിതരണം ചെയ്തു . മരണപ്പെട്ടവർക്ക് വേണ്ടി പ്രത്യേകം പ്രാർത്ഥനാ മജ്‌ലിസും സംഘടിപ്പിച്ചു.