മനാമ : ഐ . സി . എഫ് . ഉമ്മുൽ ഹസ്സം സെൻട്രൽ കമ്മിറ്റി ഈദ് സംഗമം നടത്തി. പെരുന്നാൾ നിസ്കാരത്തിനു ശേഷം നടന്ന സംഗമത്തിൽ നിരവധിപേർ ഒത്തുകൂടി ഈദ് ആശംസകൾ അർപ്പിച്ചു. ഉമ്മുൽ ഹസ്സം സുന്നി സെന്ററിൽ നടന്ന പരിപാടിയിൽ നസ്വീഫ് അൽ ഹസനി ഈദ് സന്ദേശം നൽകി , വിശുദ്ധ റമളാൻ മാസത്തിൽ നമ്മൾ കൈകൊണ്ട ആത്മവിശുദ്ധി കൈവിടാതെ ബന്ധങ്ങൾ കൂട്ടിയുറപ്പിക്കാൻ ശ്രമിക്കണമെന്നും, ബന്ധങ്ങൾ തമ്മിലുള്ള സ്നേഹം കൂടുമ്പോഴാണ് നമ്മുടെ ജീവിധത്തിൽ അനുഗ്രഹം ഉണ്ടാവുക എന്നും അദ്ദേഹം ഈദ് സന്ദേശത്തിൽ അറിയിച്ചു.
സെൻട്രൽ പ്രസിഡന്റ് അബ്ദുൽറസാഖ് ഹാജി അദ്ധ്യക്ഷനായിരുന്ന പരിപാടിയിൽ ഇൻസാഫ് മുസ്‌ലിയാർ, ഐ സി എഫ് നാഷണൽ വെൽഫേർ സെക്രട്ടറി നൗഫൽ മയ്യേരി എന്നിവർ ഈദ് ആശംസകൾ അർപ്പിച്ചു. മുഹമ്മദ് സഈദ് കബീർ ഈദ് ഇശൽ ആലപിച്ചു, പരിപാടിയിൽ മധുരപലഹാരം വിതരണം ചെയ്തു . മരണപ്പെട്ടവർക്ക് വേണ്ടി പ്രത്യേകം ദുആ മജ്‌ലിസും സംഘടിപ്പിച്ചു.