മനാമ: ഐ.സി.എഫിന് കീഴില്‍ പ്രവാസി വനിതകള്‍ക്കായി ഗള്‍ഫിലുടനീളം തുടക്കം കുറിച്ച ഹാദിയ വുമണ്‍സ് അക്കാഡമിയുടെ നാലാമത് എഡിഷന്‍ ബഹ്‌റൈന്‍ തല വിജയികളെ പ്രഖ്യാപിച്ചു. യഥാക്രമം വാഹിദ ഇബ്രാഹിം, നജ്മ റിയാസ്, മുഹ്‌സിന ഷെനില്‍, സ്വാലിഹ ഉസ്മാന്‍, ഷാര്‍ജ ലുഖ്മാന്‍ ഒന്നാം സ്ഥാനവും ഷീബ മുസ്ഥഫ. ഫാസില ഷാനവാസ്, ഫൗസിയ ഷരീഫ്, റുബീന ജുനൈദ്, ഷബീന മുജീബ്, ആയിശ മുഹമ്മദ്, റഹ്മത് ഫൈസല്‍ രണ്ടാം സ്ഥാനവും കദീജ ബഷീര്‍. ഫാത്തിമത് സഫൂറ. ഹുസ്‌നുബാനു, കമറുന്നിസ്സ സലാം, തരാന ഷാഹിര്‍, റസിയ നജീം എന്നിവര്‍ മൂന്നാം സ്ഥാനവും കരസ്ഥമാക്കി. വിജയികളെ ഐ.സി.എഫ് നേതാക്കള്‍ അനുമോദിച്ചു.
പ്രവാസി സഹോദരിമാര്‍ക്ക് ജ്ഞാന സമ്പാദനത്തിന്റെയും ക്രിയാത്മക ജീവിത പാഠങ്ങളുടെയും ആത്മീയ അനുഭവങ്ങള്‍ പകരുന്ന വനിതകളാല്‍ നയിക്കപ്പെടുന്ന പഠന സംരഭമാണ് ഹാദിയ വുമണ്‍സ് അക്കാഡമി. ഹാദിയയുടെ വിജയകരമായ നാലു വര്‍ഷങ്ങള്‍ പൂര്‍ത്തീകരിച്ച് അഞ്ചാമത് എഡിഷന്‍ ഈ മാസം അവസാന വാരം തുടക്കം കുറിക്കും. അഡ്മിഷനും വിശദ വിവരങ്ങള്‍ക്കും 33492088 എന്ന നമ്പറില്‍ ബന്ധപ്പെടാകുന്നതാണെന്ന് ഹാദിയ ഡയരക്ടര്‍ ശംസുദ്ധീൻ പൂകയില്‍ അറിയിച്ചു.
