കരിപ്പൂർ വിമാനത്താവളത്തിൽ വീണ്ടും സ്വർണം പിടികൂടി

കോഴിക്കോട്: കരിപ്പൂർ വിമാനത്താവളത്തിൽ വീണ്ടും സ്വർണം പിടികൂടി. പ്രഷർ കുക്കറിൽ ഒളിപ്പിച്ച് കടത്താൻ ശ്രമിച്ച 700 ഗ്രാം സ്വർണമാണ് പിടികൂടിയത്.മലപ്പുറം സ്വദേശി ടി ഹംസയിൽ നിന്നുമാണ് എയർപോർട്ട് ഇൻറലിജൻസ് യൂണിറ്റ് സ്വർണം പിടിച്ചെടുത്തത് . ജിദ്ദയിൽ നിന്നുള്ള എസ് ജി 9760 വിമാനത്തിലെ യാത്രക്കാരൻ ആണ് ഹംസ.പ്രഷർ കുക്കറിന്റെ അടിഭാഗത്ത് പ്രത്യേക അറയുണ്ടാക്കി അതിൽ ഒളിപ്പിച്ച നിലയിൽ ആയിരുന്നു സ്വർണം. പിടിച്ചെടുത്ത സ്വർണത്തിന് 36 ലക്ഷം രൂപയോളം വരും വിപണി മൂല്യം.