മനാമ: ബഹ്റൈൻ ഇന്റർനാഷണൽ എയർപോർട്ട് (ബിഐഎ) വഴി യാത്ര ചെയ്യുന്ന ട്രാൻസിറ്റ് യാത്രക്കാർക്ക് അവരുടെ കണക്റ്റിംഗ് ഫ്ലൈറ്റുകൾക്കായി കാത്തിരിക്കുമ്പോൾ രാജ്യത്തിന്റെ സമ്പന്നമായ സംസ്കാരവും പൈതൃകവും നേരിട്ട് അനുഭവിക്കാൻ കഴിയുമെന്ന് ഗൾഫ് എയർ, ബഹ്റൈൻ എയർപോർട്ട് കമ്പനി, ബഹ്റൈൻ ടൂറിസം ആൻഡ് എക്‌സിബിഷൻസ് അതോറിറ്റി എന്നിവർ സംയുക്തമായി പ്രഖ്യാപിച്ചു. ഇന്ന് മുതൽ (ജൂലൈ 5) അഞ്ച് മണിക്കൂർ മുതൽ 24 മണിക്കൂർ വരെ ദൈർഘ്യമുള്ള യാത്രക്കാർക്ക് ബഹ്‌റൈനിലെ ലാൻഡ്‌മാർക്കുകളും ചരിത്രപരമായ ഹോട്ട്‌സ്‌പോട്ടുകളും ഉൾക്കൊള്ളുന്ന സൗജന്യ നഗര ടൂർ പ്രയോജനപ്പെടുത്താം. ഗൾഫ് എയർ, ബഹ്റൈൻ എയർപോർട്ട് കമ്പനി, ബഹ്റൈൻ ടൂറിസം ആൻഡ് എക്‌സിബിഷൻസ് അതോറിറ്റി എന്നിവർ സംയുക്തമായാണ് ഈ സേവനം വാഗ്ദാനം ചെയ്യുന്നത്. കാനൂ ട്രാവൽ നൽകുന്ന ഗതാഗത സൗകര്യമുണ്ട്.