മനാമ: സാമ്പത്തിക വികസന ബോർഡ് (ഇഡിബി) ചീഫ് എക്‌സിക്യൂട്ടീവ് ഓഫീസർ ഖാലിദ് ഹുമൈദാന്റെ സാന്നിധ്യത്തിൽ ധനകാര്യ-ദേശീയ സാമ്പത്തിക മന്ത്രി ഷെയ്ഖ് സൽമാൻ ബിൻ ഖലീഫ അൽ ഖലീഫ ഇന്ത്യൻ വിദേശകാര്യ, പാർലമെന്ററി കാര്യ സഹമന്ത്രി വി. മുരളീധരനെ സ്വീകരിച്ചു. ബഹ്‌റൈനും ഇന്ത്യയും തമ്മിലുള്ള സാമ്പത്തിക, നിക്ഷേപ മേഖലയിലെ വികസിത സഹകരണത്തെ ധനകാര്യ മന്ത്രി പ്രശംസിച്ചു. ഉഭയകക്ഷി ബന്ധങ്ങൾ മെച്ചപ്പെടുത്തുന്നതിനും സഹകരണം വിപുലീകരിക്കുന്നതിനുമുള്ള പരസ്പര താൽപര്യവും പ്രധാന സാമ്പത്തിക വിഷയങ്ങളും ചർച്ച ചെയ്തു.