സാം അടൂരിന്റെ കുടുംബത്തിന് ഡോ: വർഗീസ് കുര്യൻ രണ്ടു ലക്ഷം രൂപ ധനസഹായം നൽകി

മനാമ: ബഹ്‌റൈനിലെ സാമൂഹിക പ്രവർത്തകൻ സാം അടൂരിന്റെ കുടുംബത്തിന് പ്രമുഖ ബിസിനസുകാരനും, വികെഎൽ ഹോൽഡിംഗ്സ് ആൻഡ് അൽ നാമൽ ഗ്രൂപ്പ് ഓഫ് കമ്പനീസ് ചെയർമാനുമായ ഡോ: വർഗീസ് കുര്യൻ രണ്ടു ലക്ഷം രൂപ ധനസഹായം നൽകി. പ്ലസ്ടുവിലും, അഞ്ചിലും പഠിക്കുന്ന സിമി സാറ സാം(17), സോണി സാറ സാം (13) എന്നിവരുടെ പഠന ചിലവുകൾക്കായിട്ടാണ് ഈ തുക നൽകിയത്. ഈ തുക നേരിട്ട് സാമിന്റെ ഭാര്യയുടെ അക്കൗണ്ടിലേക്കു അയച്ചുകൊടുക്കുകയാണ് ചെയ്തത്. സാമിൻറെ കുടുംബത്തിനെ സഹായിക്കാൻ താത്പര്യമുള്ളവർ കഴിവതും അവരുടെ അക്കൗണ്ടിലേക്ക് നേരിട്ട് അയക്കണമെന്ന് അദ്ദേഹം കൂട്ടിച്ചേർത്തു.