മനാമ : ദാറുൽ ഈമാൻ കേരള വിഭാഗം അഹ്‌ലൻ റമദാൻ പ്രഭാഷണപരിപാടി സംഘടിപ്പിക്കുന്നു. മാർച്ച്‌ 24 വ്യാഴം രാത്രി എട്ടിന് സൂം ഫ്ലാറ്റ്ഫോമിലൂടെയാണ് പരിപാടി നടക്കുക. പ്രമുഖ പ്രഭാഷകനും പണ്ഡിതനുമായ പാളയം ഇമാം ഡോ. വി. പി. സുഹൈബ് മൗലവി ‘റമദാൻ: ആത്മീയതയുടെ വസന്തം’ എന്ന വിഷയത്തിൽ മുഖ്യ പ്രഭാഷണം നടത്തും. ദാറുൽ ഈമാൻ കേരള വിഭാഗം രക്ഷാധികാരി സഈദ് റമദാൻ നദ്വി, ജമാൽ നദ്വി, ജാസിർ പി.പി തുടങ്ങിയവരും പരിപാടിയിൽ സംബന്ധിക്കും. കൂടുതൽ വിവരങ്ങൾക്ക് 35573996, 3986138 എന്നീ നമ്പറുകളിൽ ബന്ധപ്പെടാവുന്നതാണെന്ന് പ്രോഗ്രാം കൺവീനർ എം. അബ്ബാസ്‌ അറിയിച്ചു.
