ഇന്ത്യയിൽ കൊറോണ ടെസ്റ്റും ചികിത്സയും സൗജന്യമായി ചെയ്യാം

ഡൽഹി: ഇന്ത്യയിൽ കൊറോണ വ്യാപനം വർദ്ധിക്കുന്ന സാഹചര്യത്തിൽ കൊറോണ ടെസ്റ്റും ചികിത്സയും ആയുഷ്മാൻ ഭാരത് പദ്ധതിയിൽ ഉൾപ്പെടുത്തി.ഇതോടെ ആയുഷ്മാൻ ഭാരതിൽ അംഗങ്ങളായിട്ടുള്ള പാവപ്പെട്ടവർക്ക് സൗജന്യമായി കൊറോണ ടെസ്റ്റ് ചെയ്യാം. രോഗബാധിതരായാൽ ചികിത്സയും സൗജന്യമായിരിക്കും. ആയുഷ്മാൻ ഭാരത് – പ്രധാനമന്ത്രി ജന ആരോഗ്യ യോജന സ്കീമിൽ ഉൾപ്പെടുത്തിയാണ് സൗജന്യ ചികിത്സ അനുവദിക്കുന്നത്. സർക്കാർ നിർദ്ദേശിച്ചിട്ടുള്ള ആശുപത്രികളിലാണ് ചികിത്സയും പരിശോധനയും സൗജന്യമാകുന്നത്. പദ്ധതിയിൽ എം‌പാനൽ ചെയ്തിട്ടുള്ള സ്വകാര്യ ആശുപത്രികളിൽ ചികിത്സ സൗജന്യമാണ്. സ്വകാര്യ ആശുപത്രിയിൽ ചികിത്സ നടത്താൻ സർക്കാർ അനുവദിക്കുന്ന സാഹചര്യത്തിൽ ആയുഷ്മാൻ പദ്ധതി പ്രകാരം അവിടെയും ചികിത്സ സൗജന്യമായിരിക്കും.