തിരുവനന്തപുരം: ഇതര സംസ്ഥാനങ്ങളിൽ നിന്നും കേരളത്തിലെത്തുന്നവർക്ക് കൊറോണ നെഗറ്റീവ് സർട്ടിഫിക്കേറ്റ് നിർബന്ധമാക്കി സർക്കാർ. സംസ്ഥാനത്ത് കൊറോണ വ്യാപനം രൂക്ഷമായ സാഹചര്യത്തിലാണ് സർക്കാർ നടപടി. ആരോഗ്യമന്ത്രി കെ.കെ ശൈലജയാണ് ഇക്കാര്യം അറിയിച്ചത്.
മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക
കേരളത്തിലേക്ക് വരുന്നവർക്ക് കൊറോണ നെഗറ്റീവ് സർട്ടിഫിക്കേറ്റ് നിർബന്ധമാണ്. ഇക്കാര്യം ഉറപ്പാക്കാൻ അതിർത്തിയിലെ പരിശോധന ശക്തമാക്കും. കൊറോണ ഭേദമായവരിൽ പല തരലത്തിലുള്ള ആരോഗ്യ പ്രശ്‌നങ്ങൾ ഉള്ളതായി കണ്ടുവരുന്നുണ്ട്. ഇവരുടെ ചികിത്സയ്ക്കായി സംസ്ഥാനത്ത് പോസ്റ്റ് കൊറോണ ക്ലിനിക്കുകൾ ആരംഭിക്കുമെന്നും ശൈലജ പറഞ്ഞു.
നിലവിൽ സംസ്ഥാനത്ത് കൊറോണ രോഗികളുടെ എണ്ണം വർദ്ധിക്കുന്ന സാഹചര്യമാണ് ഉള്ളത്. സുരക്ഷാ മാനദണ്ഡങ്ങൾ ഏവരും കൃത്യമായി പാലിക്കണം. അങ്ങിനെയെങ്കിൽ അടുത്തമാസത്തോടെ രോഗവ്യാപനം കുറഞ്ഞേക്കും. കോഴിക്കോട് മെഡിക്കൽ കോളേജിൽ വൈറസിന്റെ ജനിതക മാറ്റം സംബന്ധിച്ച് പഠനം നടത്തിയത് പോലെ മധ്യകേരളത്തിലും, തെക്കൻ കേരളത്തിലും നടത്തും.
ലുലു എക്സ്ചേഞ്ചിലൂടെ പണം അയക്കാനായി lulu.app.link/LuLuMoneyApp ക്ലിക്ക് ചെയ്യുക
കൊറോണ മരണ നിരക്ക് കുറയ്ക്കുകയാണ് സർക്കാർ ലക്ഷ്യം. 0.4 ആണ് നിലവിൽ സംസ്ഥാനത്തെ കൊറോണ മരണനിരക്ക്. ആശുപത്രികളിൽ ഓക്‌സിജൻ ലഭ്യമാക്കാനുള്ള എല്ലാ നടപടികളും സർക്കാർ ചെയ്തിട്ടുണ്ട്. .അടിയന്തിര സാഹചര്യം നേരിടുന്നതിനാൽ കൂടുതൽ ആരോഗ്യപ്രവർത്തകരെ താത്കാലികമായി നിയമിക്കുമെന്നും ശൈലജ അറിയിച്ചു.
