ചെന്നൈ: ബംഗാള് ഉള്ക്കടലില് ആഞ്ഞടിച്ച് ആന്ധ്രാ തീരത്തേക്ക് നീങ്ങുന്ന മിഷോങ് ചുഴലിക്കാറ്റിന്റെ ഭാഗമായി തമിഴ്നാട്ടിലും പുതുച്ചേരിയിലും കനത്ത മഴ. ഇതേത്തുടര്ന്ന് ചെന്നൈയുടെ വിവിധ ഭാഗങ്ങള് വെള്ളത്തിനടിയിലായി. ജനങ്ങളോട് അടിയന്തരാവശ്യത്തിനൊഴികെ വീടിന് പുറത്തിറങ്ങരുതെന്ന് കര്ശന നിര്ദേശം നല്കിയിരിക്കുകയാണ് അധികൃതര്. വൈദ്യുതിയും ഇന്റര്നെറ്റും തടസ്സപ്പെട്ടു. ട്രെയിന്, വിമാന സര്വീസുകളേയും മഴയും വെള്ളക്കെട്ടും കാര്യമായി ബാധിച്ചിട്ടുണ്ട്. നിരവധി ട്രെയിനുകള് റദ്ദാക്കി. കേരളത്തില് കൂടി കടന്നുപോകുന്ന പല സര്വീസുകളും റദ്ദാക്കിയവയില് ഉള്പ്പെടുന്നു.
