ചാർട്ടേർഡ് വിമാനത്തിൽ ജീവനക്കാർക്ക് സൗജന്യ യാത്ര ഒരുക്കി മലയാളി

റാസൽഖൈമ ആസ്ഥാനമായുള്ള എലൈറ്റ് ഗ്രൂപ്പ് ഓഫ് കമ്പനീസിന്റെ ഉടമ അമ്പലപ്പുഴ സ്വദേശി ആർ. ഹരികുമാറാണ് സ്വന്തം കമ്പനിലെ ജീവനക്കാർക്ക് ചാർട്ടേർഡ് വിമാനത്തിൽ നാട്ടിലേയ്ക്ക് സൗജന്യ യാത്ര ഒരുക്കുകയായിരുന്നത്. ജീവനക്കാരെ കൂടാതെ, വിമാന ടിക്കറ്റിന് പണമില്ലാതെ ബുദ്ധിമുട്ടിലായ പുറത്തുനിന്നുള്ള അമ്പതോളം പേർക്കും അവസരം നൽകി.ഞാറാഴ്ച വൈകിട്ട് ഷാർജയിൽ നിന്ന് കൊച്ചിയിലേയ്‌ക്കായിരുന്നു വിമാന സർവീസ്.മൂന്നു മാസത്തെ അവധിക്കാണ് ജീവനക്കാർ പോകുന്നത്. ഒരു മാസത്തെ അവധിക്കാല ശമ്പളവും നൽകി. കോറോണ മാറുന്നതിന് അനുസരിച്ച് ഇവരെയെല്ലാം തിരിച്ചുകൊണ്ടുവരും. കൂടാതെ, നാട്ടിൽ സാമ്പത്തിക പ്രയാസം അനുഭവിക്കുന്ന ജീവനക്കാരെ സഹായിക്കുകയും ചെയ്യും.