ബഹ്‌റൈന്‍ കേരള സോഷ്യല്‍ ഫോറത്തിന് നന്ദി പറഞ്ഞ് അനിൽ

മനാമ: ബഹ്‌റൈനില്‍ നിന്ന് ജന്മനാട്ടിലേക്ക് പുറപ്പെടാനൊരുങ്ങിയ ആദ്യസംഘത്തിലെ പ്രവാസി കുടുംബത്തിന് സഹായഹസ്തവുമായി ബഹ്‌റൈന്‍ കേരള സോഷ്യല്‍ ഫോറം. കൊച്ചിയിലേക്ക് പുറപ്പെടാനിരുന്ന സംഘത്തിലെ നാല് പേരടങ്ങുന്ന അനിൽ തോമസിൻ്റെ കുടുംബത്തിലെ കുട്ടിയുടെ പാസ്‌പോര്‍ട്ടിന്റെ കാലാവധി തീര്‍ന്നതായി ശ്രദ്ധയില്‍പ്പെടുന്നത് എയർപോർട്ടിലെ പരിശോധനയിലായിരുന്നു. തുടർന്ന് കാലാവധി തീര്‍ന്ന പാസ്‌പോര്‍ട്ടുമായി നിയമപരമായി യാത്ര സാധ്യമല്ലെന്ന് എയര്‍ ഇന്ത്യ ഉദ്യോഗസ്ഥർ വ്യക്തമാക്കിയതോടെ കുടുംബം പ്രതിസന്ധിയിലാവുകയായിരുന്നു. ഇതോടെ ബുദ്ധിമുട്ടിലായ പ്രവാസി കുടുംബം BKSF Community helpline പ്രവർവത്തകരായി സേവനത്തിൽ അവിടെ പ്രവർത്തിച്ചിരുന്ന ഭാരവാഹികളുടെ ശ്രദ്ധയിൽപ്പെട്ടത് ബന്ധപ്പെടുകയായിരുന്നു. ബി.കെ.എസ്.എഫ് രക്ഷാധികാരി ബഷീര്‍ അമ്പലായി വിഷയം കെ. മുരളീധരന്‍ എം.പിയുടെ ഓഫീസിലും പിന്നീട് എം.എല്‍.എ അന്‍വര്‍ സാദത്തിന്റെയും ശ്രദ്ധയില്‍ കൊണ്ടുവന്നു. പ്രശ്‌നത്തില്‍ ഉടന്‍ ഇടപെട്ട അധികൃതര്‍ എയര്‍ ഇന്ത്യയുടെ മാനേജ്‌മെന്റുമായി ബന്ധപ്പെട്ട് വിഷയത്തില്‍ പരിഹാരം കണ്ടെത്തുകയായിരുന്നു. ഫസല്‍, നജീബ് കടലായി, ബി.കെ.എസ്.എഫ് രക്ഷാധികാരി ബഷീര്‍ അമ്പലായി, തുടങ്ങിയവര്‍ നടത്തിയ ശക്തമായ ഇടപെടലാണ് വിഷയത്തില്‍ പരിഹാരം കണ്ടെത്താന്‍ കഴിഞ്ഞത്. പ്രതിസന്ധിയിലാക്കിയ പ്രശ്നത്തിന് പരിഹാരമായതിനെ തുടർന്ന് എയർപോർട്ട്, എംബസി, എയർ ഇന്ത്യ അധികൃതരും ബികെഎസ്എഫ് ന് അഭിനന്ദനങ്ങളുമായി മുന്നോട്ടുവന്നു. യാത്രക്കാർക്ക് ബഹ്റൈൻ കേരള സോഷ്യൽ ഫോറം പ്രവർത്തകർ മെഡിക്കൽ കിറ്റുകളും വിതരണം ചെയ്തു.