ബിവറേജസ് ഔട്ട്‌ലെറ്റുകള്‍ പൂട്ടണം

കൊച്ചി: കൊവിഡ് രോഗബാധയുടെ പശ്ചാത്തലത്തില്‍ സംസ്ഥാനത്തെ ബിവറേജസ് ഔട്ട് ലെറ്റുകള് പൂട്ടണമെന്നാവശ്യപ്പെട്ട് ലഹരി നിര്‍മ്മാര്‍ജ്ജന സമിതി ഹൈക്കോടതിയില്‍ ഹര്‍ജി നൽകി. കോടതി ഈ ഹര്‍ജി നാളെ പരിഗണിക്കും.സംസ്ഥാനത്തെ ബിവറേജസ് ഔട്ട് ലെറ്റുകള്‍ അടയ്‌ക്കേണ്ട സാഹചര്യമില്ലെന്നാണ് സംസ്ഥാന സര്‍ക്കാരിന്റെ നിലപാട്. എന്നാൽ ആള്‍കൂട്ടം ഉണ്ടാക്കുന്ന ബിവറേജ് ഔട്ട് ലൈറ്റുകള്‍ പൂട്ടാന്‍ നടപടി ആവശ്യപ്പെട്ട് പരാതി നല്‍കിയിട്ടും സര്‍ക്കാര്‍ ഇക്കാര്യത്തില്‍ നടപടി സ്വീകരിക്കുന്നില്ലന്ന് ഹർജിക്കാർ പരാതിപ്പെടുന്നു.