മനാമ: വിനോദസഞ്ചാരികള്‍ക്ക് ഏറ്റവും സുരക്ഷിതമായ അറബ് രാഷ്ട്രങ്ങളുടെ പട്ടികയില്‍ ബഹ്റൈന് മൂന്നാം സ്ഥാനം.
ലോക സാമ്പത്തിക ഫോറത്തിന്റെ ടൂറിസം സുരക്ഷാ സൂചികയില്‍ ഏഴില്‍ ആറ് പോയിന്റ് നേടിയാണ് ബഹ്റൈന് ഈ സ്ഥാനം കൈവരിച്ചത്. 6.12 പോയിന്റ് നേടി യു.എ.ഇയും 6.7 പോയിന്റ് നേടി ഖത്തറും ഒന്നും രണ്ടും സ്ഥാനങ്ങളില്‍ നില്‍ക്കുന്നു. പരിഷ്‌കരിച്ച നിയമങ്ങള്‍, ആധുനിക അടിസ്ഥാനസൗകര്യങ്ങള്‍, സുരക്ഷ, ചരിത്രപരവും സാംസ്‌കാരികവുമായ സ്വത്വം തുടങ്ങിയവയാണ് ബഹ്‌റൈന്റെ പ്രധാന ആകര്‍ഷക ഘടകങ്ങള്‍. പ്രധാന കായിക മത്സരങ്ങളും സംഗീതക്കച്ചേരികളും സംഘടിപ്പിച്ചതും സന്ദര്‍ശകരെ ആകര്‍ഷിക്കാന്‍ സഹായിച്ചു.
സൂചികയില്‍ സൗദി അറേബ്യ നാലാം സ്ഥാനത്തും ഈജിപ്ത് അഞ്ചാം സ്ഥാനത്തും ജോര്‍ദാനും ഒമാനും ആറും ഏഴും സ്ഥാനങ്ങളിലുമാണ്.
