മനാമ: ബഹ്റിൻ പ്രതിഭ മനാമ മേഖല കമ്മിറ്റി, ഹെൽപ്പ് ലൈനുമായി സഹകരിച്ച് മനാമ ,സൂഖ്, സൽമാനിയ, സെൻട്രൽ മാർക്കറ്റ് യുണിറ്റുകളുടെ സഹകരണത്തോടെ രക്തദാന മെഗാ ക്യാമ്പ് സംഘടിപ്പിച്ചു. വെള്ളിയാഴ്ച രാവിലെ 7 മണി മുതൽ മുഹറഖ് കിങ് ഹമദ് യൂണിവേഴ്സിറ്റി ഹോസ്പിറ്റലാണ് രക്തദാനം സംഘടിപ്പിച്ചത്. ഏകദേശം 100 പേർ രക്തം ദാനം ചെയ്യാൻ തയ്യാറായി രാവിലെ 7 ക്ക് തന്നെ എത്തി. രാവിലെ ആരംഭിച്ച ക്യാമ്പ് ഒരു മണി വരെ നീണ്ടു.
![](https://ml.starvisionnews.com/wp-content/uploads/2021/08/Bahrain-Prathibha.jpg)
രക്തദാന ക്യാമ്പിൽ പ്രതിഭ ജനറൽ സെക്രട്ടറി ലിവിൻ കുമാർ, മേഖല സെക്രട്ടറി അഡ്വ. ജോയ് വെട്ടിയാടൻ, പ്രതിഭ ട്രഷറർ മഹേഷ് കെ.എം, ജനറൽ മെംബർഷിപ്പ് സെക്രട്ടറി റജീഷ്, വൈ. പ്രസിഡണ്ട് റാം, മഹേഷ് യോഗി ദാസ്, നവകേരളം ഭാരവാഹികളായ എ കെ സുഹൈൽ, അസീസ് ഏഴംകുളം, യുണിറ്റ് ഭാരവാഹികൾ തുടങ്ങിയവർ പങ്കെടുത്തു.
![](https://ml.starvisionnews.com/wp-content/uploads/2021/08/f6dc75b5-3b13-453b-8699-4bc8a6df20a9-1024x472.jpg)
രക്തം ദാനം ചെയ്തവർക്ക് സർട്ടിഫിക്കറ്റുകൾ വിതരണം ചെയ്തു. രക്തദാനം പരിപൂർണമായ കോവിസ് പ്രോട്ടോകോൾ പാലിച്ചാണ് സംഘടിപ്പിച്ചത്.
![](https://ml.starvisionnews.com/wp-content/uploads/2021/08/115930db-442d-4a36-9337-a2c75584b2ff.jpg)
പ്രതിഭ മനാമ മേഖലയിലെ ചെയിൻ രക്തദാന ക്യാമ്പിലെ രണ്ടാമത്തെ രക്തദാനമാണ് ഇന്നലെ നടന്നത്. ആദ്യ ക്യാമ്പ് 16-7-21 ൽ കിങ് ഹമദ് ഹോസ്പിറ്റലിൽ വെച്ച് നടന്നു. അടുത്ത ക്യാമ്പ് ഇന്ത്യയുടെ 75 മത് സ്വാതന്ത്രദിനത്തിൽ ആഗസ്റ്റ് 15 ന് കിങ് ഹമദ് യൂണിവേഴ്സിറ്റി ഹോസ്പിറ്റലിൽ വെച്ച് സംഘടിപ്പിക്കും. ഈ ക്യാമ്പിലേക്ക് ഏവരേയും സ്വാഗതം ചെയ്യുന്നതായി ഭാരവാഹികൾ അറിയിച്ചു.
![](https://ml.starvisionnews.com/wp-content/uploads/2021/07/GIF-JULY.gif)