മനാമ: പൗരസ്ത്യ കാതോലിക്കയും ഇന്ത്യൻ ഓർത്തഡോക്സ് സിറിയൻ സഭയുടെ പരമാദ്ധ്യക്ഷനുമായ മോറോൻ മോർ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവയെ ബഹ്റൈൻ മാർത്തോമ്മാ ഇടവക വികാരി റവ. ഡേവിഡ് വി. ടൈറ്റസ് , സഹവികാരി റവ. ബിബിൻസ് മാത്യൂസ് ഓമനാലി, ഇടവക ആത്മായ ഉപാദ്ധ്യക്ഷൻ മാത്യൂസ് ഫിലിപ്പ്, സെക്രട്ടറി ജേക്കബ് ജോർജ്ജ് ( അനോജ് ), ട്രസ്റ്റി മുതൽ ചുമതല ഏബ്രഹാം തോമസ്, ആത്മായ ശുശ്രൂഷകൻ സുനിൽ ജോൺ എന്നിവർ സന്ദർശിച്ചു. പൂച്ചെണ്ട് നൽകിയും പൊന്നാട അണിയിച്ചും ബഹ്റൈൻ മാർത്തോമ്മാ ഇടവകയുടെ സ്നേഹാദരങ്ങൾ അറിയിച്ചു.
