ബഹ്‌റൈൻ ഇന്റർനാഷണൽ എയർപോർട്ടിൽ എയർഫീൽഡ് അറ്റകുറ്റപ്പണികൾ പൂർത്തിയായി

മനാമ: ബഹ്‌റൈൻ ഇന്റർനാഷണൽ എയർപോർട്ടിൽ (ബിഐഎ) എയർഫീൽഡ് അറ്റകുറ്റപ്പണികൾ പൂർത്തിയായതായി ബഹ്‌റൈൻ എയർപോർട്ട് കമ്പനി (ബിഎസി) അറിയിച്ചു. പ്രതിവർഷം 20 ദിവസങ്ങളിലായി രണ്ടുതവണയാണ് അറ്റകുറ്റപ്പണി നടത്തപ്പെടുന്നത്. വി​മാ​ന​ങ്ങ​ളു​ടെ വ​ര​വും ​പോ​ക്കും സു​ഗ​മ​വും സു​ര​ക്ഷി​ത​വു​മാ​ക്കുന്നതിന് റ​ൺ​വേ​യി​ലെ എ​യ​ർ​ഫീ​ൽ​ഡ്​ ഗ്രൗ​ണ്ട്​ ലൈ​റ്റി​ങ്​ സം​വി​ധാ​നം മെ​ച്ച​പ്പെ​ടു​ത്തു​ക​യാ​ണ് ചെയ്യുന്നത്. അ​റ്റ​കു​റ്റ​പ്പ​ണി ന​ട​ക്കു​ന്ന ദി​വ​സ​ങ്ങ​ളി​ൽ പുലർച്ചെ 3:50 മു​ത​ൽ 6.30വ​രെ വി​മാ​ന സ​ർ​വി​സു​ക​ൾ താൽക്കാലികമായി നി​ർ​ത്തി​വെ​ച്ചി​രിക്കും.

പതിവ് എയർഫീൽഡ് അറ്റകുറ്റപ്പണികൾ വിമാനത്താവള സുരക്ഷയ്ക്ക് നിർണായകമാണെന്ന് ബിഎസി ചീഫ് ഡെവലപ്‌മെന്റ് ആൻഡ് ടെക്‌നിക്കൽ ഓഫീസർ അബ്ദുല്ല ജനാഹി പറഞ്ഞു. റൺവേകൾ, ടാക്സിവേകൾ, സ്ട്രിപ്പ് ഏരിയകൾ എന്നിവ സാധാരണ പ്രവർത്തനങ്ങളിൽ വലിയ തോതിൽ തേയ്മാനം അനുഭവപ്പെടുന്നു. വ്യോ​മ​ഗ​താ​ഗ​ത​ത്തെ ബാ​ധി​ക്കാ​ത്ത രീ​തി​യി​ൽ ഇ​വി​ട​ങ്ങ​ളി​ൽ അ​റ്റ​കു​റ്റ​പ്പ​ണി ന​ട​ത്തേ​ണ്ട​ത്​ എ​യ​ർ​പോ​ർ​ട്ടി​ന്റെ ഉ​ത്ത​ര​വാ​ദി​ത്ത​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

സിവിൽ ഏവിയേഷൻ റെഗുലേഷൻസ് (CAR001), ഇന്റർനാഷണൽ സിവിൽ ഏവിയേഷൻ ഓർഗനൈസേഷൻ (ICAO) Annex-14, എയർപോർട്ട് സർവീസ് മാനുവൽ, എയറോഡ്രോം മാനുവൽ, മറ്റ് ICAO മാനദണ്ഡങ്ങൾ, ശുപാർശ ചെയ്യുന്ന രീതികൾ എന്നിവയ്ക്ക് അനുസൃതമായി അറ്റകുറ്റപ്പണികൾ പൂർത്തിയാക്കി.