മനാമ: ബഹ്റൈനിൽ 1,135 പേർക്ക് കൂടി പുതുതായി കോവിഡ്-19 സ്ഥിരീകരിച്ചു. മാർച്ച് 22 ന് 24 മണിക്കൂറിനിടെ 6,053 പേരിൽ നടത്തിയ പരിശോധനകളിൽ നിന്നാണ് ഇത്രയും പേർക്ക് കൂടി രോഗം സ്ഥിരീകരിച്ചത്. ഇതോടെ നിലവിലെ രാജ്യത്തെ കോവിഡ് ബാധിതരുടെ എണ്ണം 8,582 ആയി. രാജ്യത്ത് ഗുരുതരാവസ്‌ഥയിൽ കഴിയുന്നത് 6 പേരാണ്.
അതേസമയം 1,215 പേർ കൂടി രോഗമുക്തി നേടിയതോടെ ആകെ രോഗമുക്തരായവരുടെ എണ്ണം 536,848 ആയി ഉയർന്നു. ഇന്നലെ ഒരു മരണം കൂടി റിപ്പോർട്ട് ചെയ്യപ്പെട്ടതോടെ രാജ്യത്തെ ആകെ കോവിഡ് മരണ സംഖ്യ 1466 ആയി. 9,557,021 പരിശോധനകളാണ് ഇതുവരെ രാജ്യത്ത് നടത്തിയിട്ടുള്ളത്.
പ്രതിരോധ പ്രവർത്തനങ്ങൾ ശക്തമായി പുരോഗമിക്കുന്നതിനൊപ്പം കൂടുതൽ പേരിലേക്ക് പരിശോധനകൾ വ്യാപിപ്പിക്കുന്നതും വാക്സിനേഷനും തുടരുകയാണ്. 1,232,675 പേർ ഇതുവരെ ഓരോ ഡോസും 1,215,943 പേർ രണ്ട് ഡോസും 972,215 പേർ ബൂസ്റ്റർ ഡോസും വാക്സിൻ സ്വീകരിച്ചിട്ടുണ്ട്.
