പതിനഞ്ചാമത് അറബ് ഗെയിംസിൽ മെഡൽ പട്ടികയിൽ ബഹ്‌റൈൻ രണ്ടാം സ്‌ഥാനത്ത്‌

ഒറാൻ: അൾജീരിയയിൽ ജൂലൈ 15 വരെ നടക്കുന്ന പതിനഞ്ചാമത് അറബ് സ്പോർട്സ് ഗെയിംസിൽ ബഹ്റൈൻ കൂടുതൽ മെഡലുകൾ നേടി. ബഹ്‌റൈൻ ദേശീയ അത്‌ലറ്റിക്‌സ് ടീം മൂന്ന് സ്വർണവും ഒരു വെള്ളിയും നേടി. രാജ്യത്തിന്റെ നേട്ടം 14 സ്വർണവും 7 വെള്ളിയും 7 വെങ്കലവുമടക്കം 28 ആയി ഉയർന്നു.

വനിതകൾക്കായുള്ള 3,000 മീറ്റർ സ്റ്റീപ്പിൾ ചേസ് ഓട്ടത്തിൽ വിൻഫ്രെഡ് യാവി 9:04:54 മിനിറ്റിനു ശേഷം സ്വർണം നേടിയപ്പോൾ, 10,000 മീറ്റർ ഓട്ടം 31:40:02 മിനിറ്റിൽ പൂർത്തിയാക്കിയ ബോണ്ടു റോബിതു സ്വർണം നേടി.

4×100 റിലേ റേസിൽ 44:44 സെക്കൻഡിൽ വിജയിച്ച ബഹ്‌റൈൻ വനിതാ ടീമാണ് മൂന്നാം സ്വർണം നേടിയത്. ബഹ്‌റൈൻ പുരുഷ അത്‌ലറ്റിക്‌സ് ടീം 4×100 റിലേ ഓട്ടത്തിൽ 40:19 സെക്കൻഡിൽ വെള്ളി മെഡൽ നേടി.

നിലവിൽ ബ​ഹ്‌​റൈ​ൻ മെ​ഡ​ൽ പ​ട്ടി​ക​യി​ൽ ര​ണ്ടാ​മതാണ്. ആ​തി​ഥേ​യ​രാ​യ അ​ൽ​ജീ​രി​യ​യാ​ണ് മെ​ഡ​ൽ പ​ട്ടി​ക​യി​ൽ ഒ​ന്നാ​മ​ത്. 34 സ്വ​ർ​ണ​വും 20 വെ​ള്ളി​യും 20 വെ​ങ്ക​ല​വു​മ​ട​ക്കം 78 മെ​ഡ​ലു​ക​ളാ​ണ് അ​ൽ​ജീ​രി​യ നേ​ടി​യ​ത്. 7 സ്വ​ർ​ണ​വും 20 വെ​ള്ളി​യും 11 വെ​ങ്ക​ല​വു​മ​ട​ക്കം 38 മെ​ഡ​ലുകളുമായി ​മൊറോക്കോ​യാ​ണ് മൂ​ന്നാ​മ​ത്.

അ​ൽ​ജീ​രി​യ, ബ​ഹ്‌​റൈ​ൻ, കൊ​മോ​റോ​സ്, ജി​ബൂ​തി, ഈ​ജി​പ്ത്, ഇ​റാ​ഖ്. ജോ​ർ​ഡ​ൻ, കു​വൈ​ത്ത്, ല​ബ​നാ​ൻ, ലി​ബി​യ, മോ​റി​ത്താ​നി​യ, മൊ​റോ​ക്കോ, ഒ​മാ​ൻ, ഫ​ല​സ്തീ​ൻ, ഖ​ത്ത​ർ, സൗ​ദി അ​റേ​ബ്യ, സോ​മാ​ലി​യ, സു​ഡാ​ൻ, സി​റി​യ, തു​നീ​ഷ്യ, യു.​എ.​ഇ, യ​മ​ൻ എ​ന്നി​ങ്ങ​നെ 22 രാ​ജ്യ​ങ്ങ​ളാ​ണ് മീ​റ്റി​ൽ പ​​ങ്കെ​ടു​ക്കു​ന്ന​ത്. 20 കാ​യി​ക ഇ​ന​ങ്ങ​ളാ​ണ് ഗെ​യി​മു​ക​ളി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. അ​ത്‌​ല​റ്റി​ക്‌​സ്, ബാ​സ്‌​ക​റ്റ്‌​ബാ​ൾ, ഫു​ട്‌​ബാ​ൾ, നീ​ന്ത​ൽ, ടെ​ന്നീ​സ്, വോ​ളി​ബാ​ൾ, ഭാ​രോ​ദ്വ​ഹ​നം എ​ന്നി​വ​യും ഉ​ൾ​പ്പെ​ടു​ത്തി​യി​ട്ടു​ണ്ട്. ജൂ​ലൈ 15നാ​ണ് സ​മാ​പ​ന​ച്ച​ട​ങ്ങ്.