Author: News Desk

തിരുവനന്തപുരം: യു.എ.ഇ. കോണ്‍സുലേറ്റ് മുഖേന ഭക്ഷണ പാക്കറ്റുകള്‍ വിതരണം ചെയ്ത സംഭവത്തില്‍ മന്ത്രി കെ.ടി. ജലീലിന് ലോകായുക്ത നോട്ടീസ് അയച്ചു. യൂത്ത് കോണ്‍ഗ്രസ് നേതാവിന്റെ പരാതിയിലാണ് ജലീലിന് ലോകായുക്ത നോട്ടീസ് അയച്ചത്. ഈ മാസം 24ന് മുന്‍പ് വിശദീകരണം നല്‍കാനാണ് ലോകായുക്ത ഉത്തരവിട്ടിരിക്കുന്നത്.വിഷയത്തില്‍ പ്രാഥമിക അന്വേഷണം ആവശ്യപ്പെട്ടാണ് യൂത്ത് കോണ്‍ഗ്രസ് നേതാവ് പരാതി നല്‍കിയത്. അതേസമയം, പരാതി ഫയലില്‍ സ്വീകരിക്കുന്നതിനു മുമ്പ് മന്ത്രിയോട് കാരണം ബോധിപ്പിക്കാന്‍ ആവശ്യപ്പെട്ടുകൊണ്ടാണ് ലോകായുക്ത നോട്ടീസ് അയച്ചിരിക്കുന്നത്. യു.എ.ഇ. കോണ്‍സുലേറ്റ് മുഖേന ഭക്ഷണപദാര്‍ഥങ്ങള്‍ മലപ്പുറത്ത് വിതരണം ചെയ്തത് വിദേശ സഹായ നിയന്ത്രണ നിയമപ്രകാരം തെറ്റാണെന്നും ചട്ടലംഘനമാണെന്നും ചൂണ്ടിക്കാണിച്ചാണ് യൂത്ത് കോണ്‍ഗ്രസ് നേതാവ് പരാതി.2020 ജൂണ്‍ മാസം റംസാനുമായി ബന്ധപ്പെട്ടാണ് ഭക്ഷണ പാക്കറ്റുകള്‍ വിതരണം ചെയ്തത്. കേസ് എടുത്ത് അന്വേഷണം നടത്തണമെന്നും പരാതിക്കാരന്‍ ആവശ്യപ്പെടുന്നുണ്ട്                                  …

തിരുവനന്തപുരം :സംസ്ഥാനത്ത് ഇന്ന് 1564 പേര്‍ക്ക് കോവിഡ് 19 സ്ഥിരീകരിച്ചു. 766 പേര്‍ക്ക് ഇന്ന് രോഗമുക്തി ഉണ്ടായി. ഇന്ന് 1380 പേര്‍ക്കാണ് സമ്പര്‍ക്കത്തിലൂടെ രോഗം ബാധിച്ചത്. അതില്‍ ഉറവിടമറിയാത്തത് 98. വിദേശത്തുനിന്ന് 60 പേര്‍. മറ്റു സംസ്ഥാനങ്ങളില്‍നിന്ന് 100 പേര്‍. ഹെല്‍ത്ത് വര്‍ക്കര്‍മാര്‍ 15.ഇന്ന് 3 മരണമാണ് കോവിഡ്-19 മൂലമാണെന്ന് സ്ഥിരീകരിച്ചത്. ആഗസ്റ്റ് 7ന് മരണമടഞ്ഞ തിരുവനന്തപുരം മുക്കോല സ്വദേശിനി ലിസി സാജന്‍ (55), ആഗസ്റ്റ് 8ന് മരണമടഞ്ഞ കോഴിക്കോട് രാമനാട്ടുകര സ്വദേശി രാധാകൃഷ്ണന്‍ (80), ആഗസ്റ്റ് 10ന് മരണമടഞ്ഞ മലപ്പുറം സ്വദേശി അബ്ദുള്‍ റഹ്മാന്‍ (63) എന്നിവരുടെ പരിശോധനാഫലം കോവിഡ്-19 മൂലമാണെന്ന് എന്‍ഐവി ആലപ്പുഴ സ്ഥിരീകരിച്ചു.                                                              …

മനാമ: രാജ്യത്ത് ആരംഭിച്ചിട്ടുള്ള കൊറോണാ വൈറസ് വാക്സിൻ ക്ലിനിക്കൽ ട്രയലിന്റെ ഭാഗമാകാൻ ആഗ്രഹിക്കുന്ന സന്നദ്ധസേവകർക്കായുള്ള ഓൺലൈൻ രജിസ്‌ട്രേഷൻ ആരംഭിച്ചതായി ആരോഗ്യ മന്ത്രാലയം വ്യക്തമാക്കി. ക്ലിനിക്കൽ ട്രയലിന്റെ ഭാഗമായി രാജ്യത്തെ പൗരന്മാരിൽ നിന്നും, താമസക്കാരിൽ നിന്നും തിരഞ്ഞെടുക്കുന്ന 18 വയസിനു മുകളിൽ പ്രായമുള്ള 6000 സന്നദ്ധസേവകർക്ക് വാക്സിൻ നൽകുമെന്ന് ആരോഗ്യ മന്ത്രാലയം നേരത്തെ അറിയിച്ചിരുന്നു. നിർജ്ജീവമാക്കിയ വാക്സിൻ അണുബാധയ്ക്ക് കാരണമാകില്ലെന്ന് ആരോഗ്യ മന്ത്രാലയം വ്യക്തമാക്കി. വാക്സിൻ സ്വീകരിക്കുന്ന വ്യക്തിയിൽ വൈറസിനെതിരായ ആൻറിബോഡികൾ ഉത്പാദിപ്പിക്കപ്പെടുന്നതിനുള്ള പ്രതിരോധ പ്രവർത്തനങ്ങൾക്ക് കാരണമാകും. ഉൽ‌പാദിപ്പിച്ച ആന്റിബോഡികളുടെ ഫലപ്രാപ്തി വാക്സിൻറെ വിജയത്തിന്റെ അളവുകോലായി വിലയിരുത്തപ്പെടും. കോവിഡ് -19 നിർജ്ജീവമാക്കിയ വാക്സിനുകളുടെ മൂന്നാം ഘട്ട ക്ലിനിക്കൽ ട്രയലിൽ പങ്കാളിയാവാൻ https://volunteer.gov.bh/ എന്ന വിലാസത്തിൽ രജിസ്റ്റർ ചെയ്യാം.

തിരുവനന്തപുരം : ദുരൂഹത നീങ്ങാതെ ബാലഭാസ്‌കറിന്റെ മരണം. അപകട സ്ഥലത്ത് സരിത്തിനെപ്പോലെ തോന്നിക്കുന്ന ഒരാള്‍?  സത്യം തേടി സിബിഐ; അപകടത്തിന് മുന്‍പ് കാര്‍ തല്ലിപ്പൊളിക്കുന്നത് കണ്ടുവെന്ന് മൊഴി നല്‍കിയ കലാഭവന്‍ സോബിക്കൊപ്പം ഇന്ന് നിര്‍ണായക പരിശോധന.വയലിനിസ്റ്റ് ബാലഭാസ്‌ക്കറിന്റെ അപകടമരണം നടന്ന് രണ്ട് വര്‍ഷം കഴിഞ്ഞപ്പോഴാണ് കേസ് അന്വേഷണം സിബിഐ ഏറ്റെടുക്കുന്നത്. മരണത്തിലെ ദുരൂഹത നീക്കാന്‍ സിബിഐ അന്വേഷണത്തിലൂടെ സാധ്യമാകുമെന്നാണ് ഏവരും പ്രതീക്ഷിക്കുന്നത്. കേസില്‍ സിബിഐയുടെ നിര്‍ണായക പരിശോധന ഇന്ന് നടക്കും.സിബിഐ തിരുവനന്തപുരം യൂണിറ്റ് എസ്.പി നന്ദകുമാരന്‍ നായരുടെയും ഡിവൈ.എസ്.പി അനന്ദകൃഷ്ണന്റെയും നേതൃത്വത്തിലാണ് അന്വേഷണം. അപകടം നടന്ന സ്ഥലത്തെത്തി അന്വേഷണസംഘം തെളിവ് ശേഖരിക്കും. അപകടത്തിന് മുന്‍പ് കാര്‍ തല്ലിപ്പൊളിക്കുന്നത് കണ്ടുവെന്ന് മൊഴി നല്‍കിയ കലാഭവന്‍ സോബിക്കൊപ്പമാണ് സിബിഐ സംഘം പരിശോധന നടത്തുക.                                            …

മനാമ: രാജ്യത്ത് പള്ളികൾ പ്രാർത്ഥനകൾക്കായും മതപരമായ ഒത്തുചേരലുകൾ, കൂട്ടായ പ്രാർത്ഥനകൾ എന്നിവയ്ക്ക് താത്കാലികമായി ഏർപ്പെടുത്തിയിരിക്കുന്ന നിരോധനം തുടരും. ബഹ്‌റൈൻ സുപ്രീം കൗൺസിൽ ഫോർ ഇസ്ലാമിക് അഫയേഴ്‌സ് ആണ് ഇത് സംബന്ധിച്ച തീരുമാനം എടുത്തത്. രാജ്യത്തെ കോവിഡ് -19 രോഗബാധയുടെ നിരക്ക് സുരക്ഷിതമായ നിലയിലെത്തുന്നതുവരെ വിലക്ക് തുടരാനാണ് തീരുമാനിച്ചിരിക്കുന്നത്. ജനങ്ങൾ ഒരുമിച്ച് ചേർന്നുള്ള പ്രാർത്ഥധനകൾ രോഗബാധയുടെ സാധ്യത വർധിപ്പിക്കുന്നതിനാലാണ് അധികൃതർ നിരോധനം നീട്ടാൻ തീരുമാനം കൈക്കൊണ്ടത്.

ഇടുക്കി : പെട്ടിമുടിയിൽ പുനരധിവാസം ഉടൻ നടപ്പിലാക്കുമെന്ന് മുഖ്യമന്ത്രി പിണറായി വിജയൻ.  പെട്ടിമുടി സന്ദർശിച്ചതിന് പിന്നാലെ നടന്ന അവലോകന യോഗത്തിന് ശേഷം മാധ്യമങ്ങളോട് മുഖ്യമന്ത്രി ഇക്കാര്യം പറഞ്ഞത്. പെട്ടിമുടിയിൽ വീടുകളുടെ നിർമാണം ഉടൻ ആരംഭിക്കുമെന്നും മുഖ്യമന്ത്രി പറഞ്ഞു. കവളപ്പാറയിലും പുത്തുമലയിലും പോലെ പെട്ടിമുടിയിൽ വീടുകൾ നഷ്ടപ്പെട്ടവർക്ക് പുതിയ സ്ഥലത്ത് വീട് നിർമ്മിക്കുമെന്നാണ് മുഖ്യമന്ത്രി പറഞ്ഞത്. കണ്ണൻദേവൻ കമ്പനി കാര്യമായി സഹായിക്കുമെന്ന് കരുതുന്നുവെന്നും സർക്കാരും വേണ്ടത് ചെയ്യുമെന്നും മുഖ്യമന്ത്രി പറഞ്ഞു. തുടർവിദ്യാഭ്യാസ ചെലവു മുഴുവൻ സർക്കാർ വഹിക്കുമെന്നും വരുമാനമില്ലാത്തവരെ കമ്പനി സഹായിക്കണമെന്നും മുഖ്യമന്ത്രി പറഞ്ഞു. ലായങ്ങളുടെ പൊതു പ്രശ്‌നം പരിഹരിക്കുമെന്ന് അറിയിച്ച മുഖ്യമന്ത്രി പെട്ടിമുടിയിൽ ജാഗ്രതയോടെ രക്ഷാപ്രവർത്തനം നടന്നുവെന്നും ചൂണ്ടിക്കാട്ടി.                                                            …

കന്യാസ്ത്രീയെ ബലാല്‍സംഗം ചെയ്ത കേസില്‍ ഫ്രാങ്കോ മുളയ്ക്കലിനെ ഇന്ന് കുറ്റപത്രം വായിപ്പിച്ച് കേള്‍പ്പിക്കും. കോട്ടയം അഡീഷണല്‍ സെഷന്‍സ് കോടതിയാണ് കേസ് പരിഗണിക്കുന്നത്. കുറുവിലങ്ങാട് മഠത്തില്‍ വച്ച് 2014-16 കാലയളവില്‍ ബിഷപ്പ് ലൈംഗികമായി പീഡിപ്പിച്ചെന്ന് 2018 ജൂണ്‍ 27 നാണ് കന്യാസ്ത്രീ പരാതി നല്‍കിയത്. ആയിരം പേജുള്ള കുറ്റപത്രത്തില്‍ മൂന്ന് ബിഷപ്പ്മാരും 11 വൈദികരും 24 സിസ്റ്റര്‍മാരും ഉള്‍പ്പടെ 84 സാക്ഷികളുണ്ട്. ബലാത്സംഗം, അന്യായമായി തടവില്‍ വയ്ക്കല്‍, അധികാരം ഉപയോഗിച്ച് സ്ത്രീയെ ലൈംഗികമായി പീഡിപ്പിക്കല്‍ ഉള്‍പ്പടെ 6 വകുപ്പുകളാണ് ഫ്രാങ്കോ മുളയ്ക്കലിനെതിരെ ചുമത്തിയിരിക്കുന്നത്.                                                                     https://chat.whatsapp.com/InpYc1Gx7ptChSzkYPrqpE

മുന്‍ രാഷ്ട്രപതിയും മുതിർന്ന കോൺഗ്രസ് നേതാവുമായിരുന്ന പ്രണബ് മുഖര്‍ജി അന്തരിച്ചുവെന്ന വ്യാജ വാര്‍ത്തയ്ക്കെതിരെ മകനും മകളും രംഗത്തെത്തി. എന്റെ പിതാവ് ഇപ്പോഴും ജീവനോടെയുണ്ട്. അദ്ദേഹം മരിച്ചെന്ന തരത്തിൽ ഊഹാപോഹങ്ങളും വ്യാജവാർത്തകളും സോഷ്യൽ മീഡിയ വഴി മാധ്യമപ്രവർത്തകർ പ്രചരിപ്പിക്കുന്നതിലൂടെ പ്രതിഫലിക്കുന്നത് രാജ്യത്തെ മാധ്യമരം​ഗം വ്യാജവാർത്താ ഫാക്ടറിയായി മാറിയിരിക്കുന്നു എന്നാണ്”. മകന്‍ അഭിജിത്ത് മുഖർജി ട്വീറ്റ് ചെയ്തു. https://chat.whatsapp.com/InpYc1Gx7ptChSzkYPrqpE എന്റെ പിതാവ് മരിച്ചെന്നുള്ള ശ്രുതി വെറുതെയാണ്. ദയവ് ചെയ്ത് അതറിയാൻ വേണ്ടി എന്റെ ഫോണിലേക്ക് വിളിക്കരുത്. അദ്ദേഹം ആശുപത്രിയിലായതിനാൽ അപ്പപ്പോഴുള്ള വിവരങ്ങളറിയാൻ എന്റെ ഫോൺ ഫ്രീയായി വെയ്ക്കേണ്ടതുണ്ട്’ എന്ന് മകള്‍ ശർമ്മിഷ്ഠ മുഖർജിയും ട്വിറ്ററിൽ കുറിച്ചു. അതേസമയം പ്രണബ് മുഖര്‍ജി യുടെ ആരോഗ്യനില അതീവ ഗുരുതരമായി തുടരുകയാണ്. ആരോഗ്യസ്ഥിതി മാറ്റമില്ലെന്ന് ആശുപത്രി വൃത്തങ്ങൾ വ്യക്തമാക്കി. അദ്ദേഹം വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തിയിരിക്കുന്നതെന്നും ആര്‍മി ആശുപത്രി വൃത്തങ്ങൾ അറിയിച്ചു.കഴിഞ്ഞ ഞായറാഴ്ചയാണ് തലച്ചോറില്‍ രക്തം കട്ടപിടിച്ചതിനെ തുടര്‍ന്ന് പ്രണബ് മുഖര്‍ജിയെ ആശുപത്രിയില്‍ പ്രവേശിപ്പിച്ചത്. പരിശോധനയിൽ കൊവിഡ് സ്ഥിരീകരിച്ചിരുന്നു.…

മനാമ: വിദ്യാർത്ഥികൾക്കും രക്ഷിതാക്കൾക്കും അവബോധ പദ്ധതിയുമായി ഐസിഎഫ് പ​ത്താം ക്ലാസും പ്ല​സ് ടു​വും കഴിഞ്ഞ ശേഷം ഏ​തു കോ​ഴ്സ് തി​ര​ഞ്ഞെ​ടു​ക്ക​ണ​മെ​ന്നും ഇ​ഷ്​​ട​പ്പെ​ട്ട ജോ​ലി കി​ട്ടാ​നാ​യി ഏ​തു കോ​ഴ്സി​നാ​ണ് ചേ​രേ​ണ്ട​തെ​ന്നും വിദ്യാർത്ഥികളുടെ അഭിരുചിക്കനുസരിച്ചുള്ള കോഴ്‌സുകൾ എങ്ങിനെ കണ്ടെത്തുമെന്നും വിശദീകരിക്കുന്നതിനാണ് ഐ സി എഫ് ഗൾഫ് തലത്തിൽ ഓഗസ്റ്റ്‌ 15നു ശനിയാഴ്ച ബഹ്‌റൈൻ സമയം ഉച്ചക്ക് 2.00 മണിക്ക് വിപുലമായ വെബ്ബിനാർ ഒരുക്കിയിരിക്കുന്നത്. പ്രശസ്ത ട്രെയ്നറും സംസ്ഥാന വ്യവസായ വകുപ്പ് സെക്രട്ടറിയുമായ എ പി എം മുഹമ്മദ് ഹനീഷ് ഐഎഎസ് വെബിനാറിന് നേതൃത്വം നൽകും. ഉപരിപഠനം സംബന്ധിച്ച് മിക്ക വിദ്യാർത്ഥികളും രക്ഷിതാക്കളും ആശയക്കുഴപ്പത്തിലാകാറുണ്ട്. ഇവർക്ക് ശരിയായ മാർഗ നിർദേശങ്ങൾ നൽകി അവരുടെ ഉപരിപഠനത്തിന് സഹായകമാകുകയാണ് ലക്ഷ്യം. എൻട്രൻസ് സംബന്ധമായ വിവരങ്ങൾ, കേരളത്തിൽ ലഭ്യമായ പ്രഫഷണൽ, നോൺ പ്രഫഷണൽ കോഴ്‌സുകൾ, തുടങ്ങി വിദ്യാഭ്യാസ തൊഴിൽ സംബന്ധമായ വിവരങ്ങൾ അറിയുന്നതിനും സംശയ നിവാരണത്തിനും അവസരം ഉണ്ടായിരിക്കും. വി​വി​ധ കോ​ഴ്സു​ക​ൾ, പ്ര​വേ​ശ​ന പ​രീ​ക്ഷ​ക​ൾ, പു​തി​യ തൊ​ഴി​ൽ മേ​ഖ​ല​ക​ൾ, പ്ര​ധാ​ന​പ്പെ​ട്ട…

തിരുവനന്തപുരം: കവിയും ഗാനരചയിതാവുമായ ചുനക്കര രാമന്‍കുട്ടി (84) അന്തരിച്ചു. ശാരീരിക അസ്വസ്ഥതകളെത്തുടര്‍ന്ന് കുറച്ചുദിവസമായി സ്വകാര്യ ആശുപത്രിയില്‍ ചികിത്സയിലായിരുന്നു. ബുധനാഴ്ച രാത്രി പത്തേമുക്കാലോടെയായിരുന്നു അന്ത്യം. തിരുമല രേണുകാ നിവാസിലായിരുന്നു താമസം. ഭാര്യ: പരേതയായ തങ്കമ്മ. മക്കള്‍: രേണുക, രാധിക, രാഗിണി. മരുമക്കള്‍: സിഅശോക് കുമാര്‍ (റിട്ട.ആരോഗ്യ വകുപ്പ്), പി ടി സജി (റെയില്‍വേ, മുംബൈ), കെ എസ് ശ്രീകുമാര്‍ (സിഐഎഫ്ടി.).           https://chat.whatsapp.com/InpYc1Gx7ptChSzkYPrqpE ഒട്ടേറെ സിനിമകള്‍ക്കുവേണ്ടി ഗാനങ്ങള്‍ രചിച്ചിട്ടുണ്ട്. ‘എങ്ങനെ നീ മറക്കും’ എന്ന ചിത്രത്തിലെ ‘ദേവദാരു പൂത്തു എന്‍ മനസ്സിന്‍ താഴ്വരയില്‍… അദ്ദേഹത്തിന്റെ പ്രശസ്തമായ ചലച്ചിത്രഗാനമാണ്. 1978ല്‍ പുറത്തിറങ്ങിയ ‘ആശ്രമം’ എന്ന സിനിമയ്ക്ക് വേണ്ടിയാണ് ആദ്യഗാനം രചിച്ചത്. പി ജി വിശ്വംഭരന്റെ ചിത്രമായ ‘ഒരു തിര പിന്നെയും തിര’ എന്ന ചിത്രത്തിലെ ഗാനങ്ങള്‍ അദ്ദേഹത്തെ പ്രശസ്തനാക്കി. 1984ല്‍ വിവിധ സിനിമകള്‍ക്കായി മുപ്പതിലേറെ പാട്ടുകളാണ് എഴുതിയത്. 2015ല്‍ കേരള സംഗീത നാടക അക്കാദമിയുടെ ഗുരുശ്രേഷ്ഠാ പുരസ്‌കാരം ലഭിച്ചിരുന്നു. ശ്യാമ…