കൊച്ചി: നടനും നിർമാതാവുമായ വിജയ് ബാബുവിനെതിരെയുള്ള ബലാത്സംഗ പരാതി വ്യാജമാണെന്ന് അമ്മ മായബാബു. മകനെ അപകീർത്തിപ്പെടുത്താൻ ഗൂഢാലോചന നടന്നിട്ടുണ്ടെന്നും സംഭവത്തെക്കുറിച്ച് വിശദമായി അന്വേഷിക്കണമെന്നും ആവശ്യപ്പെട്ട് മായബാബു മുഖ്യമന്ത്രിക്കും ഡി ജി പിക്കും പരാതി നൽകി.
മകനെതിരെയുള്ള യുവനടിയുടെ ബലാത്സം കേസിന് പിന്നിൽ എറണാകുളം കേന്ദ്രീകരിച്ച് പ്രവർത്തിക്കുന്ന ഒരു സംഘം സിനിമാ പ്രവർത്തകരാണെന്നാണ് മായബാബുവിന്റെ പരാതിയിൽ പറയുന്നത്. വിജയ് ബാബു ഇപ്പോൾ വിദേശത്ത് ഒളിവിൽ കഴിയുകയാണ്. നടൻ ഹൈക്കോടതിയിൽ സമർപ്പിച്ച മുൻകൂർ ജാമ്യാപേക്ഷ മേയ് 18നാണ് പരിഗണിക്കുന്നത്.
