തിരുവനന്തപുരം എ.കെ.ജി സെന്‍ററിൽ പടക്കമെറിഞ്ഞ കേസിൽ 50 ദിവസം കഴിഞ്ഞിട്ടും പ്രതികളെ കണ്ടെത്താൻ കഴിയാത്തതിനെ പ്രതിപക്ഷം വിമർശിക്കുന്ന പശ്ചാത്തലത്തിൽ സോഷ്യൽ മീഡിയയിലും ട്രോളുകൾക്ക് ഒരു പഞ്ഞവുമില്ല. പ്രതിയെ പിടികൂടാൻ കഴിയാത്തതിന് പൊലീസിനെയും ആഭ്യന്തര വകുപ്പിനെയും പരിഹസിക്കുന്ന ട്രോളുകളും മീമുകളും സോഷ്യൽ മീഡിയയിൽ നിറയുമ്പോൾ, മികച്ച മീമുകൾക്ക് സമ്മാനങ്ങളും ഒരു ഫേസ്ബുക്ക് പേജ് പ്രഖ്യാപിച്ചു.
‘ഡെയിലി അപ്‌ഡേറ്റ്‌സ് ഓണ്‍ എകെജി സെന്റര്‍ ക്രാക്കര്‍ കേസ്’ എന്ന ഫെയ്സ്ബുക്ക് പേജിലൂടെയാണ് മത്സരം പ്രഖ്യാപിച്ചത്. കിട്ടിയില്ല എന്ന പേരിൽ ഒരു മീം സൃഷ്ടിക്കാനാണ് ഫേസ്ബുക്ക് പേജ് ആവശ്യപ്പെടുന്നത്. മൂന്ന് വിജയികൾക്ക് ക്യാഷ് അവാർഡുകളും പേജ് പ്രഖ്യാപിക്കുന്നു. ഇടത് അനുഭാവികൾ പേജിന്‍റെ പരിഹാസത്തെ വിമർശിച്ചു രംഗത്തെത്തി. എ.കെ.ജി സെന്‍റർ ആക്രമണക്കേസ് അന്വേഷണം ക്രൈംബ്രാഞ്ച് ഏറ്റെടുത്തിട്ടും ഇരുട്ടിൽ തപ്പുകയാണ്. എകെജി സെന്‍റർ ആക്രമണക്കേസിൽ രണ്ട് ഡിവൈഎസ്പിമാരുടെ നേതൃത്വത്തിലുള്ള പ്രത്യേക അന്വേഷണ സംഘത്തിന് ഒരു തുമ്പും ലഭിക്കാത്തതിനെ തുടർന്നാണ് കേസ് ക്രൈംബ്രാഞ്ചിന് കൈമാറിയത്. എന്നാൽ ഒരു ചുവട് പോലും മുന്നോട്ടുപോകാന്‍ ക്രൈംബ്രാഞ്ചിന് കഴിയുന്നില്ല.
Trending
- സ്ത്രീകളെ ശല്യം ചെയ്തതു ചോദ്യം ചെയ്ത ഡി.വൈ.എഫ്.ഐ. പ്രവര്‍ത്തകരുടെ വീട്ടിലേക്ക് സ്‌ഫോടകവസ്തു എറിഞ്ഞു
- വിപണി ഉണര്‍വിന് കരുത്തേകുന്ന ബജറ്റ്: എം.എ. യൂസഫലി
- മന്‍ കീ ബാത്ത് ക്വിസ് വിജയികളെ കേന്ദ്രമന്ത്രി ശ്രീ ജോര്‍ജ് കുര്യൻ അനുമോദിച്ചു
- ടീം ശ്രെഷ്ഠ ബഹ്‌റൈൻ റിപ്പബ്ലിക് ദിനത്തോട് അനുബന്ധിച്ച് ബ്ലഡ്‌ ഡൊണേഷൻ ക്യാമ്പ് സംഘടിപ്പിച്ചു
- കുടിയേറ്റം കേരളീയരുടെ രക്തത്തിലുള്ളതെന്ന് ശബരീനാഥ്; മികച്ച ശമ്പളം ലഭിക്കുന്ന തൊഴില് ലഭ്യമാക്കണമെന്ന് ചാണ്ടി ഉമ്മന്
- ആഗോള ശ്രദ്ധയാകര്‍ഷിച്ച് ബഹ്‌റൈന്‍ ശരത്കാല മേള
- മനുഷ്യന്റെ ബുദ്ധിയുടെ സഹായമില്ലാതെ എഐക്ക് പ്രവര്‍ത്തിക്കാന്‍ കഴിയില്ല: അഭിമന്യു സക്‌സേന
- കൃഷിയിടങ്ങള്‍ രാജ്യത്തിന്റെ ഭാവി നിശ്ചയിക്കും: മന്ത്രി പി. പ്രസാദ്
