തിരുവനന്തപുരം: തിരുവനന്തപുരം നെയ്യാറ്റിന്കര ജനറല് ആശുപത്രിയില് ചിക്ത്സയ്ക്കെത്തിയ പത്തുവയസ്സുകാരിക്ക് നേരെ ലൈംഗികാതിക്രമം. രക്ഷപ്പെടാന് ശ്രമിച്ച പ്രതിയെ നാട്ടുകാര് പിടികൂടി പൊലീസിലേല്പ്പിച്ചു. ഉദിയന്കുളങ്ങര സ്വദേശി സതീഷ് ആണ് പിടിയിലായത്. നേത്രരോഗ ചികിത്സയ്ക്കെത്തിയതായിരുന്നു പെണ്കുട്ടി. കണ്ണില് മരുന്നൊഴിച്ചശേഷം കണ്ണടച്ച്, പരിശോധനയ്ക്കായി കാത്തിരിക്കുകയായിരുന്ന പെണ്കുട്ടിയെയാണ് ഉപദ്രവിച്ചത്. കുട്ടിയുടെ കരച്ചില് കേട്ട് രക്ഷിതാക്കളും മറ്റുള്ളവരും എത്തിയപ്പോള് ഇയാള് ഓടി രക്ഷപ്പെട്ടു. ബൈക്കില് കയറി രക്ഷപ്പെടാന് ശ്രമിച്ച പ്രതിയെ നാട്ടുകാരാണ് പിടികൂടിയത്.
