വിദേശകാര്യ മന്ത്രാലയം വെർച്വൽ സഹായ സേവനം ആരംഭിച്ചു

മനാമ: ആധുനിക സാങ്കേതികവിദ്യ ഉപയോഗിച്ച് “Ask MOFA” എന്ന പേരിൽ ഇലക്ട്രോണിക് സേവനങ്ങൾ നൽകാനായി വിദേശകാര്യ മന്ത്രാലയം പുതിയ സംവിധാനം ഏർപ്പെടുത്തി.മന്ത്രാലയം നൽകുന്ന എല്ലാ സേവനങ്ങളെ കുറിച്ചുള്ള ചോദ്യങ്ങൾക്കും അന്വേഷണങ്ങൾളും സ്വദേശികൾക്കും ബഹ്‌റൈൻ വിസയുള്ള വിദേശ താമസക്കാർക്കും ഇ-സേവനം ഉപയോഗിക്കാവുന്നതാണ്. കൂടാതെ കാര്യക്ഷമവും ഉയർന്ന നിലവാരമുള്ളതുമായ സേവനങ്ങൾ നൽകുന്നതിന്റെ ഭാഗമായി ആവശ്യമെങ്കിൽ ഒരു തത്സമയ ചാറ്റ് നടത്താനും ഇതിലൂടെ കഴിയും. വിദേശകാര്യ മന്ത്രാലയം, “www.mofa.gov.bh” എന്ന വെബ്‌സൈറ്റ് വഴിയാണ് ഈ സേവനം ആരംഭിച്ചത്. സമീപഭാവിയിൽ തന്നെ ഈ സേവനം മന്ത്രാലയത്തിന്റെ സ്മാർട്ട്‌ഫോൺ ആപ്ലിക്കേഷനായ “Wejhati” യിലും ലഭിക്കും.