കാസര്‍ക്കോട് കൊറോണ പരിശോധനയ്ക്കുള്ള വൈറോളജി ലാബ്

കാസര്‍കോട്: കേരളത്തിൽ ഏറ്റവും കൂടുതൽ കൊറോണയുള്ള കാസര്‍കോടിന് ആശ്വാസമായി കേരള കേന്ദ്ര സര്‍വ്വകലാശാലയില്‍ കൊറോണ പരിശോധനയ്ക്കുള്ള വൈറോളജി ലാബ് തയ്യാറാവുന്നു. അഞ്ചുമണിക്കൂറിനുളളില്‍ കൊറോണ പരിശോധനാഫലം ലഭ്യമാകുന്നതരത്തില്‍ വിപുലമായ സാങ്കേതിക സൗകര്യത്തോടെയാണ് ലാബ് ഒരുക്കുന്നത്.ഇന്ത്യന്‍ മെഡിക്കല്‍ കൗണ്‍സിലിന്റെ പ്രാഥമിക അംഗീകാരം ലഭിച്ചതോടെ കേരള കേന്ദ്രസര്‍വ്വകലാശാലയിലെ കൃഷ്ണ ബില്‍ഡിങ്ങിലാണ് പുതിയ വൈറോളജി ലാബ് തയ്യാറാകുന്നത്. ദിവസം 87 പേരുടെ ടെസ്റ്റുകള്‍ നടത്താന്‍ ലാബില്‍ സൗകര്യമുണ്ടാകും. കൂടാതെ അഞ്ചുമണിക്കൂറിനകം ഫലം ലഭിക്കും. ലാബ് 24 മണിക്കൂറും തുറന്നുപ്രവര്‍ത്തിക്കും. ഡോ.രാജേന്ദ്രന്‍ പിലാംകട്ടയുടെ നേതൃത്വത്തില്‍ അധ്യാപകരും ഗവേഷണ വിദ്യാര്‍ത്ഥികളും ചേരുന്ന സംഘമാണ് ലാബിന്റെ പ്രവര്‍ത്തനം നടത്തുക.