കനത്ത ജാഗ്രതയിൽ കേരളം ; കൊറോണ ബാധിതരുടെ എണ്ണം ഉയരുന്നു

തിരുവനന്തപുരം: സംസ്ഥാനത്ത് ഇന്ന് മാത്രം എട്ട് പേര്‍ക്ക് കൊവിഡ് 19 സ്ഥിരീകരിച്ചു. ഇതോടെ സംസ്‌ഥാനത്ത്‌ കൊറോണ ബാധിതരുടെ എണ്ണം 14 ആയി. കോട്ടയത്ത് നാലും പത്തനം തിട്ടയിലും എറണാകുളത്തും രണ്ടു വീതവുമാണ് രോഗ ബാധിതർ. ഇറ്റലിയിൽ നിന്ന് വന്ന റാന്നിയിലെ കുടുംബവുമായി സമ്പര്‍ക്കം പുലര്‍ത്തിയവരാണ് ഇന്ന് രോഗം സ്ഥിരീകരിച്ച ആറു പേർ. കൊച്ചിയിലെ രോഗം സ്‌ഥിരീകരിച്ച കുട്ടിയുടെ മാതാപിതാക്കളാണ് മറ്റു രണ്ടുപേർ. എല്ലാവരുടേയും ആരോഗ്യ നില തൃപ്തികരമാണെന്ന വിവരമാണ് ആരോഗ്യ പ്രവര്‍ത്തകര്‍ നൽകുന്നത്. ആകെ 1116 പേര്‍ സംസ്ഥാനത്ത് കൊവിഡ് 19 മായി ബന്ധപ്പെട്ട് നിരീക്ഷണത്തിൽ കഴിയുന്നുണ്ട്. ഇവരിൽ തന്നെ 149 പേര്‍ ആശുപത്രിയിൽ ആണ്.