മനാമ: ലോകരക്ഷകനായ യേശു മനുഷ്യകുലത്തിന് പാവങ്ങൾക്ക് വേണ്ടി ഗോഗുല്‍ത്തായില്‍ കുരിശിലേറി മരണംവരിച്ച്‌ മൂന്നാം നാൾ ഉദ്ധാനം ചെയ്ത രക്ഷകരമായ കാര്യങ്ങളെ ക്രൈസ്തവലോകം ഓർമ്മ പുതുക്കുന്ന വ്രതശുദ്ധിയുടെ ഈ നാളുകളിൽ യേശുവിന്റെ പീഢാസഹനങ്ങളെ ഹൃദയപൂർവ്വം ധ്യാനിക്കുവാൻ “റെഹംതോ”എന്ന ക്രിസ്ത്യന്‍ ആല്‍ബം പുറത്തിറക്കി. ബഹറിൻ സെന്റ് ഗ്രിഗോറിയോസ് ക്നാനായ ഇടവക അംഗങ്ങളുടെ കൂട്ടായ്മയായ ഗ്രിഗോറിയൻ കോട്സ് പരിശുദ്ധ സുറിയാനി സഭയുടെ കഷ്ടാനുഭവ ആഴ്ചയിലെ ഗീതങ്ങൾ കോർത്തിണക്കിയാണ് “റെഹംതോ”എന്ന ക്രിസ്ത്യന്‍ ആല്‍ബം പുറത്തിറക്കിയത്.
