മനാമ: വേൾഡ് മലയാളി കൗൺസിൽ ബഹ്റൈൻ പ്രൊവിൻസ് കേരളപ്പിറവി ആഘോഷം പ്രമുഖ സാഹിത്യ കാരൻ അംബികാസുതൻ ഉത്ഘാടനം ചെയ്തു. യുണിക്കോ സി ഇ ഒ ജയശങ്കർ വിശിഷ്ടഅതിഥി ആയിരുന്നു. പ്രസിഡന്റ് എബ്രഹാം സാമൂവൽ അധ്യക്ഷൻ ആയിരുന്നു. തുടർന്ന് നടന്ന കാവ്യമലയാളം പരിപാടി സ്വപ്ന വിനോദ് (അവതരണം) ബിജു. എം സതീഷ്, മനു മോഹൻ കുറമ്പാല, നാസർ മുത്തുകാട് (കവിതകൾ ), ആർ എൽ വി ശരണ്യ അഭിലാഷ് നൃത്താവിഷ്കാരം നടത്തി. രാജീവ് വെള്ളിക്കോത്ത് കഥകളി പദവും സ്വർണ്ണ കെ എസ് കവിതയും അവതരിപ്പിച്ചു. ചെയർമാൻ ബാബു കുഞ്ഞിരാമൻ, വൈസ് ചെയർമാൻ ഹരീഷ് നായർ, ടോം മുളന്തുരുത്തി, ദീപ ജയചന്ദ്രൻ എന്നിവർ ആശംസ നേർന്നു. ജനറൽ സെക്രട്ടറി പ്രേംജിത്ത് സ്വാഗതമാശംസിച്ചു. വിനോദ് നാരായണൻ അവതാരകനായിരുന്നു.
