തിരുവനന്തപുരം: മുസ്ലിം ലീഗ് നേതാവ് പി കെ കുഞ്ഞാലിക്കുട്ടി രാജിവെച്ച മലപ്പുറം ലോക്സഭാ ഉപതിരഞ്ഞെടുപ്പ് സംസ്ഥാനത്തെ നിയമസഭാ തിരഞ്ഞെടുപ്പിനൊപ്പം നടത്തും. മുഖ്യതിരഞ്ഞെടുപ്പ് കമ്മീഷണര് സുനില് അറോറയാണ് ഇതു സംബന്ധിച്ച് പ്രസ്താവന ഇറക്കിയത്. രാഷ്ട്രീയ കക്ഷികള്, ഉദ്യോഗസ്ഥര് എന്നിവരില് നിന്ന് ലഭിച്ച അഭിപ്രായങ്ങള് പരിഗണിച്ച ശേഷം തിരഞ്ഞെടുപ്പ് തീയതി നിശ്ചയിക്കുമെന്നും അദ്ദേഹം വ്യക്തമാക്കി. നിയമസഭാ തിരഞ്ഞെടുപ്പ് മുന്നൊരുക്കം വിലയിരുത്തുന്നതിന് വിവിധ വിഭാഗങ്ങളുമായി നടത്തിയ ചര്ച്ചയ്ക്ക് ശേഷമാണ് ഇക്കാര്യം വിശദീകരിച്ചത്.
