മരുഭൂമിയില്‍ കാർ കേടായി: വെള്ളം കിട്ടാതെ ഒരാൾ മരിച്ചു

ജിദ്ദ : ദിബാക്കു സമീപം മരുഭൂമിയില്‍ കാണാതായ സൗദി പൗരനെ മരിച്ച നിലയില്‍ കണ്ടെത്തിയതായി തിരച്ചിലും രക്ഷാപ്രവര്‍ത്തനവും നടത്തുന്ന സന്നദ്ധ സംഘടനയായ ‘ഔന്‍’ അറിയിച്ചു. വ്യാഴാഴ്ച പുലര്‍ച്ചെയാണ് സൗദി പൗരനെ കാണാതായതായി വിവരം ലഭിച്ചത്. ഇദ്ദേഹം സഞ്ചരിച്ച കാര്‍ മരുഭൂമിയിലെ താഴ്‌വരയില്‍ വെച്ച് കേടാവുകയായിരുന്നു. സന്നദ്ധപ്രവര്‍ത്തകര്‍ നടത്തിയ തിരച്ചിലില്‍ വെള്ളവും ഭക്ഷണവും കിട്ടാതെ ദാഹപരവശനായി മരുഭൂമിയില്‍ ചേതനയറ്റുകിടക്കുന്ന നിലയിലാണ് സൗദി പൗരനെ കണ്ടെത്തിയത്.