മനാമ: ബഹ്റൈനിൽ പുതുവത്സര അവധി പ്രഖ്യാപിച്ചു. പുതിയ വർഷാരംഭത്തോടനുബന്ധിച്ച് ജനുവരി ഒന്ന് വെള്ളിയാഴ്ച അവധി പ്രഖ്യാപിച്ചുകൊണ്ട് കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ സർക്കുലർ പുറത്തിറക്കി. ഈ ദിവസം പ്രതിവാര അവധി ദിവസമായതിനാൽ, പകരം 2021 ജനുവരി മൂന്ന് ഞായറാഴ്ച അവധി ആയിരിക്കും. ബഹ്റൈനിലെ മന്ത്രാലയങ്ങൾ, ഡയറക്ടറേറ്റുകൾ, ഔദ്യോഗിക സ്ഥാപനങ്ങൾ എന്നിവയ്ക്ക് ഈ ദിനങ്ങളിൽ അവധിയായിരിക്കുമെന്ന് പ്രിൻസ് സൽമാൻ സർക്കുലറിലൂടെ അറിയിച്ചു.