ലണ്ടൻ: പൊതു ഉപയോഗത്തിനായി ഫൈസർ-ബയോടെക് വാക്സിൻ അംഗീകരിക്കുന്ന ലോകത്തിലെ ആദ്യത്തെ രാജ്യമായി ബ്രിട്ടൻ മാറി. അടുത്ത ആഴ്ച മുതൽ ഇത് പുറത്തിറക്കുമെന്ന് ബ്രിട്ടൻ അറിയിച്ചു.
“ഫൈസർ-ബയോ എൻടെക്കിന്റെ കോവിഡ് -19 വാക്സിൻ ഉപയോഗിക്കുന്നതിന് അംഗീകാരം നൽകാനുള്ള സ്വതന്ത്ര മെഡിസിൻസ് ആന്റ് ഹെൽത്ത് കെയർ പ്രൊഡക്റ്റ്സ് റെഗുലേറ്ററി ഏജൻസിയുടെ (എംഎച്ച്ആർഎ) ശുപാർശ സർക്കാർ ഇന്ന് അംഗീകരിച്ചു,” ബ്രിട്ടീഷ് സർക്കാർ വ്യക്തമാക്കി.
വാക്സിൻ അടുത്ത ആഴ്ച മുതൽ യുകെയിലുടനീളം ലഭ്യമാക്കുമെന്ന് ആരോഗ്യ സെക്രട്ടറി മാറ്റ് ഹാൻകോക്ക് പറഞ്ഞു. അടുത്ത ആഴ്ച്ച തന്നെ മെഡിക്കൽ തൊഴിലാളികൾക്ക് പ്രതിരോധ കുത്തിവയ്പ്പുകൾ നൽകാൻ തയ്യാറാകാൻ ഇംഗ്ലണ്ടിലെ ആശുപത്രികളോട് ആവശ്യപ്പെട്ടിട്ടുണ്ടെന്ന് ബ്രിട്ടീഷ് മാധ്യമങ്ങൾ റിപ്പോർട്ട് ചെയ്തു.
ലുലു എക്സ്ചേഞ്ചിലൂടെ പണം അയക്കാനായി lulu.app.link/LuLuMoneyApp ക്ലിക്ക് ചെയ്യുക
മോഡേണാ ഇങ്ക് നിർമ്മിച്ച സമാനമായ വാക്സിനോടൊപ്പം യുഎസും യൂറോപ്യൻ യൂണിയനും ഫൈസർ ഷോട്ട് പരിശോധിക്കുന്നു. ന്യൂസിലാൻഡ് ഫൈസർ-ബയോടെക് വാക്സിൻ 1.5 ദശലക്ഷം ഡോസുകൾ മുൻകൂട്ടി ഓർഡർ ചെയ്തിട്ടുണ്ട്. 7,50,000 ആളുകളെ സംരക്ഷിക്കാൻ ഇരട്ട ഡോസ് ആവശ്യമായ ഈ വാക്സിൻ മതിയാകും.
ഫൈസർ സിഇഒ ആൽബർട്ട് ബൗർല യുകെ തീരുമാനത്തെ “ചരിത്രപരമായ നിമിഷം” എന്നാണ് വിശേഷിപ്പിച്ചത്. “ലോകമെമ്പാടും ഉയർന്ന നിലവാരമുള്ള വാക്സിൻ സുരക്ഷിതമായി വിതരണം ചെയ്യുന്നതിന് സമാനമായ തലത്തിൽ നീങ്ങുന്നതിലാണ് ഞങ്ങൾ ശ്രദ്ധ കേന്ദ്രീകരിക്കുന്നത്,” ബൗർല പ്രസ്താവനയിൽ പറഞ്ഞു.