മുംബൈ: വിവാഹ വാഗ്ദാനം നൽകി കാസ്റ്റിംഗ് ഡയറക്ടറായ ആയുഷ് തിവാരി പീഡിപ്പിച്ചെന്ന പരാതിയുമായി ടെലിവിഷൻ നടി. വിവാഹ വാഗ്ദാനം നൽകിയതിനു ശേഷം മുംബൈയിലെ വിവിധ സ്ഥലങ്ങളിൽ വച്ച് യുവാവ് തന്നെ ബലാത്സംഗം ചെയ്തതായി നടി പരാതിപ്പെട്ടു. വെർസോവ പൊലീസ് സ്റ്റേഷനിലാണ് നവംബർ 26ന് പരാതി ഫയൽ ചെയ്തത്. നടിയുടെ പരാതിയുടെ അടിസ്ഥാനത്തിൽ ആയുഷ് തിവാരിക്ക് എതിരെ എഫ് ഐ ആർ രജിസ്റ്റർ ചെയ്തു.