വിദേശകാര്യ മന്ത്രി ജയ്‌ശങ്കർ ബഹ്‌റൈൻ ഉപപ്രധാനമന്ത്രി ഷെയ്ഖ് അലിയുമായി കൂടിക്കാഴ്ച നടത്തി

മനാമ: ഉപപ്രധാനമന്ത്രി ഷെയ്ഖ് അലി ബിൻ ഖലീഫ അൽ ഖലീഫയെ വിദേശകാര്യ മന്ത്രി ഡോ. സുബ്രഹ്മണ്യം ജയ്‌ശങ്കർ കൂടിക്കാഴ്ച നടത്തി. മുൻ പ്രധാനമന്ത്രി ഖലീഫ ബിൻ സൽമാൻ അൽ ഖലീഫ രാജകുമാരൻറെ നിര്യാണത്തിൽ ഇന്ത്യൻ സർക്കാരിന്റെ അനുശോചനം വിദേശകാര്യ മന്ത്രി ജയ്‌ശങ്കർ അറിയിച്ചു. ബഹ്‌റൈൻ-ഇന്ത്യ ബന്ധം ശക്തിപ്പെടുത്തുന്നതിന് ഖലീഫ രാജകുമാരൻ നൽകിയ സംഭാവനകളെ ഇന്ത്യൻ വിദേശകാര്യ മന്ത്രി നന്ദിയോടെ അനുസ്മരിച്ചു. ബഹ്‌റൈന്റെ പുരോഗതിക്കും വികസനത്തിനും ബഹ്‌റൈനിലെ ഇന്ത്യൻ സമൂഹം നൽകിയ സംഭാവനകളെ ഉപപ്രധാനമന്ത്രി ഷെയ്ഖ് അലി പ്രശംസിച്ചു.