കാസർകോട് : എംസി കമറുദ്ദീൻ എംഎൽഎയെ ഇന്ന് അറസ്റ്റ് ചെയ്യുമെന്ന് അന്വേഷണ സംഘം. എംഎൽഎയ്ക്കെതിരായി തെളിവുകൾ ലഭിച്ചിട്ടുണ്ടെന്നും അതിനാലാണ് അറസ്റ്റ് അടക്കമുള്ള നടപടികളിലേക്ക് കടക്കുന്നതെന്നും അന്വേഷണ ഉദ്യോഗസ്ഥനായ എഎസ് പി പറഞ്ഞു.അതേസമയം, താൻ കുറ്റക്കാരനല്ലെന്നാണ് എംസി കമറുദ്ദീൻ എംഎൽഎ മൊഴി നൽകിയിരിക്കുന്നത്. പണമിടപാടിൽ നേരിട്ട് ബന്ധമില്ലെന്നും മാനേജിംഗ് ഡയറക്ടറും മറ്റ് ഡയറക്ടർമാരും മറ്റുള്ളവരും ചേർന്ന് ചതിച്ചതാണ്. പണമിടപാടിൽ നേരിട്ട് ബന്ധമില്ല. നിക്ഷേപ സമാഹരണം തന്റെ മാത്രം നേതൃത്വത്തിലല്ലെന്നും കമറുദ്ദീൻ മൊഴി നൽകി.
