സല്‍മാബാദില്‍ ഗോഡൗണില്‍ തീപിടിത്തം

മനാമ: ബഹ്‌റൈനിലെ സല്‍മാബാദില്‍ നിര്‍മ്മാണ സാമഗ്രികളും ഫര്‍ണിച്ചറും സൂക്ഷിച്ചിരുന്ന ഒരു ഗോഡൗണിലുണ്ടായ തീപിടിത്തം സിവില്‍ ഡിഫന്‍സ് ടീമുകള്‍ അണച്ചു.
തീപിടിത്തത്തെത്തുടര്‍ന്ന് വീണ്ടും തീ പടരാതിരിക്കാന്‍ തണുപ്പിക്കല്‍ പ്രവര്‍ത്തനങ്ങള്‍ നടത്തി. സംഭവമറിഞ്ഞയുടന്‍ തന്നെ 17 വാഹനങ്ങളും 48 ഉദ്യോഗസ്ഥരെയും സ്ഥലത്തേക്കയച്ചതായി ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് അറിയിച്ചു. തീ നിയന്ത്രണവിധേയമാക്കുകയും കൂടുതല്‍ പടരുന്നത് തടയുകയും ചെയ്തു.
ആളപായമൊന്നുമില്ല. തീപിടിത്തത്തിന്റെ കാരണം കണ്ടെത്താന്‍ അന്വേഷണമാരംഭിച്ചിട്ടുണ്ട്.