തിരുവനന്തപുരം: സംസ്ഥാനത്ത് ഇന്ന് 2,397 പേര്‍ക്ക് കോവിഡ്-19 സ്ഥിരീകരിച്ചു. സമ്പർക്കത്തിലൂടെ 2,317 പേർക്കാണ് രോഗം സ്ഥിരീകരിച്ചത്. സമ്പർക്കവ്യാപനം വളരെ കൂടുതലാണെന്ന് മുഖ്യമന്ത്രി വാർത്താസമ്മേളനത്തിൽ അറിയിച്ചു. സമ്പർക്കത്തിലൂടെ രോഗബാധിതരായവർ 96.6 ശതമാനമാണ്.
സംസ്ഥാനത്ത് ഇന്ന് 2,225 പേർരോഗമുക്തരായി. കോവിഡിനെ തുടര്‍ന്ന് ആറ് മരണങ്ങളാണ് ഇന്ന് സംസ്ഥാനത്ത് റിപ്പോര്‍ട്ട് ചെയ്തത്. തിരുവനന്തപുരം ജില്ലയില്‍ ഇന്ന് 408 പേര്‍ക്കാണ് കൊറോണ സ്ഥിരീകരിച്ചത്. ഇതില്‍ 40 പേരുടെ ഉറവിടം വ്യക്തമല്ല. മലപ്പുറം, തൃശ്ശൂര്‍, കൊല്ലം എന്നീ ജില്ലകളില്‍ ഇരുന്നൂറിലധികം പേര്‍ക്കാണ് പുതുതായി രോഗബാധ കണ്ടെത്തിയിരിക്കുന്നത്.
കൊറോണയുടെ പശ്ചാത്തലത്തില്‍ കഴിഞ്ഞ 24 മണിക്കൂറിനിടെ 34,988 പരിശോധനകള്‍ നടത്തി. കഴിഞ്ഞ ദിവസം വരെ 8,69,655 പേര്‍ സംസ്ഥാനത്തെത്തി. ഇതില്‍ 3,32,582 പേര്‍ വിദേശത്തു നിന്നും, 5,37,000 പേര്‍ ഇതര സംസ്ഥാനങ്ങളില്‍ നിന്നുമാണ് എത്തിയത്.
Please like and share Starvision News FB page – facebook.com/StarvisionMal/
Starvision News WhatsApp group link – chat.whatsapp.com/InpYc1Gx7ptChSzkYPrqpE
