ചെന്നൈ വിമാനത്താവളത്തിൽ തമിഴ് നടൻ കരുണാസിൻ്റെ ഹാൻഡ്‌ബാഗിൽ നിന്ന് 40 ബുള്ളറ്റുകൾ സുരക്ഷാ സേന പിടിച്ചെടുത്തു. ട്രിച്ചിയിലേക്ക് പോകുന്നതിനിടെ ഇദ്ദേഹത്തിൻറെ ബാഗുകൾ പരിശോധിച്ചപ്പോഴാണ് വെടിയുണ്ടകൾ കണ്ടെത്തിയത്. തോക്ക് ലൈസൻസ് ഉണ്ടെന്നും വെടിയുണ്ടകൾ ഉള്ളത് അറിയാതെയാണ് ബാഗ് കൊണ്ടുവന്നതെന്നും നടൻ കരുണാസ് പറഞ്ഞു. തിരഞ്ഞെടുപ്പ് പെരുമാറ്റച്ചട്ടം അനുസരിച്ച് നടൻ കരുണാസ് തൻ്റെ തോക്ക് പോലീസ് സ്റ്റേഷനിൽ ഏൽപ്പിച്ചിരുന്നതിനാൽ ബന്ധപ്പെട്ട രേഖകൾ പരിശോധിച്ച ശേഷം സുരക്ഷാ സേന അദ്ദേഹത്തിന് ബുള്ളറ്റുകൾ തിരികെ നൽകി. അന്വേഷണത്തിന് ശേഷം നടൻ കരുണാസ് കാറിൽ ട്രിച്ചിയിലേക്ക് പുറപ്പെട്ടു.
