മനാമ: ബഹ്‌റൈൻ സ്മാർട്ട് സിറ്റി സമ്മിറ്റ് 2024-ൻ്റെ ഏഴാമത് പതിപ്പ് മാർച്ച് 5-6 തീയതികളിൽ ആരംഭിക്കുമെന്ന് കൃഷി മുനിസിപ്പാലിറ്റി മന്ത്രി വെയ്ൽ ബിൻ നാസർ അൽ മുബാറക് അറിയിച്ചു. “ആർട്ടിഫിഷ്യൽ ഇൻ്റലിജൻസ് വഴി പുരോഗതി കൈവരിക്കാം” എന്ന പ്രമേയത്തിലാണ് സമ്മിറ്റ് നടക്കുക.
ആർട്ടിഫിഷ്യൽ ഇൻ്റലിജൻസ്, സ്മാർട്ട് ഹൗസിംഗ്, സുസ്ഥിര വാസ്തുവിദ്യ, ഭക്ഷ്യസുരക്ഷ എന്നിവയിലെ മികച്ച ആഗോള സമ്പ്രദായങ്ങൾ ഉച്ചകോടിയിൽ പ്രദർശിപ്പിക്കും. മികച്ച കാർഷിക സാങ്കേതിക വിദ്യകൾ, പാരിസ്ഥിതിക, സാമൂഹിക, ഭരണ തത്വങ്ങൾ, പുനരുപയോഗ ഊർജം എന്നിവയുടെ നടപ്പാക്കലും ഇത് എടുത്തുകാണിക്കും.
സ്മാർട്ട് കെട്ടിടങ്ങൾ, സുസ്ഥിര ഊർജ സംവിധാനങ്ങൾ, ആർട്ടിഫിഷ്യൽ ഇൻ്റലിജൻസ് എന്നിവയ്‌ക്കായുള്ള ഏറ്റവും പുതിയ പരിഹാരങ്ങളും സുസ്ഥിര ഭക്ഷണ, മാലിന്യ സംസ്‌കരണത്തിനുള്ള സാങ്കേതിക പരിഹാരങ്ങളും ഉച്ചകോടിയിൽ പ്രദർശിപ്പിക്കും.