ഉംറ കഴിഞ്ഞു മടങ്ങവേ ബഹ്‌റൈൻ എയർപോർട്ടിൽ വച്ച് മരണപ്പെട്ട കോട്ടയം സ്വദേശിനിയുടെ മൃതദേഹം നാട്ടിലെത്തിക്കും

മനാമ: ഉംറ കഴിഞ്ഞു മടങ്ങവേ ബഹ്‌റൈൻ എയർപോർട്ടിൽ വച്ച് മരണപ്പെട്ട കോട്ടയം സ്വദേശിനിയുടെ മൃതദേഹം വ്യാഴാഴ്ച  രാത്രി ബഹ്‌റൈൻ സമയം 8.30 നുള്ള ഗൾഫ് എയർ വിമാനത്തിൽ നാട്ടിലേക്ക് അയച്ചു. കോട്ടയം ജില്ലയിലെ വൈക്കം മറവൻതുരുത്ത് മണകുന്നം സ്വദേശിനി തോപ്പിൽ പറമ്പിൽ മൈമൂനയാണ് മരണപ്പെട്ടത്. 66 വയസായിരുന്നു. ഭർത്താവ് : സലിം, മക്കൾ : നിഷാദ്, ഷാമില. ബഹ്‌റൈൻ കെഎംസിസിയുടെ നേതൃത്വത്തിൽ നടപടിക്രമങ്ങൾ പൂർത്തിയാക്കി. ഖബറടക്കം നാളെ (വെള്ളിയാഴ്ച ) രാവിലെ 06:30 ന് മണകുന്നം മുല്ലക്കേരിൽ മഹൽ ജുമാ മസ്ജിദ് ഖബറിടത്തിൽ നടക്കും.