മനാമ: കെ എം സി സി ബഹ്‌റൈൻ ഹമദ് ടൗൺ ഏരിയ കമ്മിറ്റി ഹമദ് ടൗൺ അൽ ഹിലാൽ ഹോസ്പിറ്റൽ സ്പോൺസർഷിപ്പിൽ സംഘടിപ്പിച്ച ഒന്നാമത് വൺഡേ സെവൻസ് ഫുട്ബോൾ ടൂർണ്ണമെന്റ് ഫൈനൽ മത്സരത്തിൽ ഹമാസ് എഫ്സിയെ എതിരില്ലാത്ത രണ്ടുഗോളുകൾക്ക് ആൻഫീൽഡ് എഫ്സി പരാജയപ്പെടുത്തി ചാമ്പ്യൻമാരായി.
കെഎംസിസി ബഹ്‌റൈൻ സ്റ്റേറ്റ് സെക്രട്ടറി ഷാജഹാൻ പരപ്പൻപൊയിൽ മത്സരം ഉദ്ഘാടനം നിർവഹിച്ചു. ഹമദ് ടൗൺ കെഎംസിസി പ്രസിഡണ്ട് അബൂബക്കർ പാറക്കടവ് ചാമ്പ്യന്മാർക്കുള്ള ട്രോഫി വിതരണം ചെയ്തു.
കെഎംസിസി ഭാരവാഹികളായ ഇല്യാസ് മുറിച്ചാണ്ടി, അബ്ബാസ് വയനാട്,റുമൈസ് കണ്ണൂർ, ആഷിക് പരപ്പനങ്ങാടി, മരക്കാർ കിനാശ്ശേരി,സമീർ വയനാട്,ഗഫൂർ എടച്ചേരി, മുഹമ്മദലി ചങ്ങരകുളം, സക്കരിയ എടച്ചേരി തുടങ്ങിയവർ സംബന്ധിച്ചു.