മനാമ: ഇന്ത്യൻ സ്കൂൾ ഡ്രൈവേഴ്‌സ് ഓറിയന്റേഷൻ പ്രോഗ്രാം നടത്തി. ബസുകൾ വൃത്തിയായി സൂക്ഷിക്കുക, കൂളിംഗ് എയർ കണ്ടീഷനിംഗ് ദിവസേന പരിശോധിക്കുക, വാഹനമോടിക്കുമ്പോൾ മൊബൈൽ ഫോൺ ഉപയോഗിക്കാതിരിക്കുക, ബസ് പാർക്ക് ചെയ്യുന്നതിനും പുറപ്പെടുന്നതിനുമുമ്പും ക്രോസ് ചെക്ക് ചെയ്യുക തുടങ്ങി ബസ് ഡ്രൈവർമാരിൽ നിന്ന് പ്രതീക്ഷിക്കുന്ന സേവനത്തെക്കുറിച്ച് സ്കൂൾ അധികൃതർ പരിപാടിയിൽ വിശദീകരിച്ചു. 
ഗതാഗത സേവന ദാതാക്കളിൽ നിന്നുള്ള ഉദ്യോഗസ്ഥരാണ് സെഷനെ പിന്തുണച്ചത്. വിദ്യാർത്ഥികളുമായി ബസ് ഓടിക്കുമ്പോൾ ഡ്രൈവർമാരുടെ ജോലി വളരെ പ്രധാനമാണെന്ന് അവർ പറഞ്ഞു. വേനൽ അവധിക്ക് ശേഷം സെപ്തംബർ 3 മുതൽ സ്കൂൾ തുറക്കും.
