മനാമ: ബഹ്റൈനിൽ സന്ദർശനത്തിനെത്തിയ ഇന്ത്യൻ വിദേശകാര്യ സഹമന്ത്രി വി. മുരളീധരനുമായി തൊഴിൽമന്ത്രി ജമീൽ ബിൻ മുഹമ്മദ് അലി ഹുമൈദാൻ കൂടിക്കാഴ്ച നടത്തി. ഇന്ത്യയും ബഹ്റൈനും തമ്മിൽ നിലനിൽക്കുന്ന ബന്ധവും വിവിധ മേഖലകളിലെ സഹകരണവും മെച്ചപ്പെട്ട നിലയിലാണെന്ന് വിലയിരുത്തി. വിവിധ മേഖലകളിൽ സഹകരണം വ്യാപിപ്പിക്കുന്നതിനുള്ള സാധ്യതകൾ ഇരുവരും ചർച്ച ചെയ്തു. ഉഭയകക്ഷി ബന്ധങ്ങൾ, തൊഴിൽ മേഖലയിലെ സഹകരണം വർധിപ്പിക്കൽ, തൊഴിൽ സേനാ പരിശീലനത്തിലെ വൈദഗ്ധ്യം കൈമാറ്റം എന്നിവ അവർ ചർച്ച ചെയ്തു. ഇന്ത്യൻ തൊഴിലാളി സമൂഹത്തിൻ്റെ ക്ഷേമം ഉറപ്പാക്കുന്നതിന് കേന്ദ്രമന്ത്രി വി. മുരളീധരൻ നന്ദി അറിയിച്ചു. ഭാവി സഹകരണത്തിനുള്ള വഴികൾ ചർച്ച ചെയ്തു.