മനാമ: ഗുരുതരമായ അസുഖം ബാധിച്ച് സൽമാനിയ ആശുപത്രിയിൽ ചികിൽസയിൽ കഴിയുന്ന മനാമ സെൻട്രൽ മാർക്കറ്റ് മലയാളി അസോസിയേഷൻ അംഗമായ സൈനുദ്ദീന് സാമ്പത്തിക സഹായം കൈമാറി. തുടർ ചികിൽസിക്കായി എത്രയും പെട്ടെന്ന് നാട്ടിൽ പോകണമെന്ന ഡോക്ടർമാരുടെ നിർദ്ദേശത്തെ തുടർന്ന് സാമ്പത്തികമായി വളരെ പ്രയാസം അനുഭവിക്കുന്ന അദ്ദേഹത്തിനുള്ള സാമ്പത്തിക സഹായവും കുടുംബത്തിനുള്ള വിമാന ടിക്കറ്റും മനാമ സെൻട്രൽ മാർക്കറ്റ് മലയാളി അസോസിയേഷൻ ചാരിറ്റി കൺവീനർ മുഹമ്മദ് റാഫി രക്ഷധികാരി ലത്തീഫ് മരകാട്ടിനു കൈമാറി. ചടങ്ങിൽ സെക്രട്ടറി അഷ്‌കർ പൂഴിതല, ക്യാബിനറ്റ് അംഗങ്ങളായ നൗഷാദ് കണ്ണൂർ, മെഹബൂബ്, മജീദ്, അസിസ് റഫീക് അബ്ദുള്ള ഫസലു എന്നിവരും സന്നിഹിതരായിരുന്നു.